Asosiy mazmunga oʻtish
Ortga

Temiryo‘l transportida nogironligi bo‘lgan yo‘lovchilar uchun imtiyozlar

  • Matnli format
  • Video format
  • Oson matn

Bu maqolada  poyezddan foydalanishda sen uchun qanday imtiyozlar borligi haqida bilib olasan.

Vazirlar Mahkamasining 109-sonli qaroriga ko‘ra, vokzallarda sen uchun maxsus chipta kassalari ajratiladi.

Sen uchun ajratilgan maxsus chipta kassalari  faqat chipta oluvchilar ko‘p bo‘lganda ishlaydi.

Sen:

  • urushda nogiron bo‘lib qolgan bo‘lsang
  • urushda qatnashgan bo‘lsang
  • Chernobil AESdagi avariya oqibatlarini bartaraf etishda qatnashgan bo‘lsang  navbatsiz chipta olishing mumkin.

Poyezdlarda joylar:

  • o‘rindiqli
  • kupeli
  • platskartli bo‘ladi.

Agar sen kupe yoki platskartda ketadigan bo‘lsang:

  • chipta olayotganingda nogironlik hujjatingni kassa ishchisiga ko‘rsatib  pastki o‘rindan  joy olishing mumkin.

Sen yotoq joyingni mustaqil to‘shay olmasang  poyezd ishchilari joyingni to‘shab berishlari shart.

Poyezd buzilib qolsa yoki vagonlar ajratilsa, seni boshqa poyezddagi bo‘sh joyga o‘tkazishlari shart.

Agar bo‘sh joy faqat yuqori toifadagi vagonlarda bo‘lsa ham seni bo‘sh joyga o‘tkazishlari shart.

Yuqori toifadagi joy – bu poyezddagi biznes klass joylar. Ya’ni narxi qimmat, sharoiti yaxshi bo‘lgan vagonlar.

Sen bu imtiyozdan faqatgina chiptangga mos bo‘sh joy qolmaganda foydalanishing mumkin.

Vazirlar Mahkamasining 109-sonli qarorining 152-bandiga ko‘ra ba’zi insonlar 1 yilda 1 marta poyezddan  borib va kelish uchun bepul foydalanishi mumkin. 

1 yilda 1 marta poyezdlardan bepul foydalanuvchilar:

  • yarador bo‘lgan harbiy xizmatchilar, ishchilar
  • urush sababli birinchi va ikkinchi guruh nogironligi bor xizmatchilar
  • Chernobil AESdagi avariyani bartaraf etishda nogiron bo‘lganlar (O‘zbekiston hududida)
  • o‘zgalar parvarishiga muhtoj keksalar va nogironligi bor insonlar, ularga yordam beruvchi insonlar.
  • urush sababli uchinchi guruh nogironi bo‘lgan insonlar
  • urush qatnashchilari va ularga tenglashtirilgan insonlar 1 yilda 1 marta poyezd chipta narxining yarmini to‘lash imkonini beruvchi talonlardan foydalanishi mumkin.

Agar senda uchinchi guruh nogironligi bor bo‘lsa:

  • O‘tgan yilgi yoki keyingi yilgi poyezd chiptasini yarmini to‘lash imkoniyatingdan foydalanmagan bo‘lsang.
  • Sen talon olayotganingda o‘tgan yilgi yoki keyingi yilgi chipta narxini yarmini to‘lash imkoniyatingdan hozir foydalanishni xohlasang  senga bir martalik bepul borib kelish chiptasi berishadi.

Urush sababli birinchi guruh nogironi bo‘lgan insonlarga qaraydigan bitta yordamchiga 1 yilda bir marta poyezdda borib kelishga 50 foizlik chegirma beriladi.

Sen imtiyozli chipta olish uchun chipta kassasiga chegirma olish huquqini beradigan hujjatlarni berishing kerak.

Chegirma olish huquqini beradigan hujjatlar:

  • Urush sababli nogironligi bo‘lgan inson guvohnomasi
  • Urush qatnashchisi guvohnomasi
  • Nogironlikni tasdiqlovchi guvohnoma
  • Imtiyoz huquqini beruvchi boshqa hujjatlar
  • Inson markazining o‘zgalar parvarishiga muhtoj  yolg‘iz keksalar va nogironligi bor insonlarni reyestrga kiritish haqidagi qarori.

Sen nogironlik aravachasidan foydalansang  poyezd ishchisi aravachangni joylashtirishga yordam beradi.

“Temiryo‘l transportida nogironligi bo‘lgan yo‘lovchilar uchun imtiyozlar” ga 38 ta javob

  1. Assalom alaykum hurmatli insonlar mani 2 farzandim 2 gurux nogironi 1,5 yosh, 5 yosh bizga qanday imtiyoz bo’lishi mumkin? Andijondan Gulistonga turmushga chiqqanman 9 oy bo’ldi borolmadik mashinada noqulay ekan.javob uchun Raxmat.

    • Sizning farzandlaringizda bilet sotib olishda imtiyoz mavjud. Ammo sizda emas. Demak, siz farzandingiz uchun biletni imtiyozli ravishda olsangiz, o‘zingiz uchun umumiy tartibda bilet olasiz.

  2. Assalomu aleykum mening ham 2 guruh nogironligim bor buning uchun Toshkentdan Andijon bepul bilet olishim mumkinmi?

  3. Faqat urush qatnashchilari bepul bilet olishdimi? Urush qatnashchisi emas lekin 2guruh nogironi boʻlsa bepul bilet olishi mumkinmi

    • Yo‘q, nogironligi bo‘lgan shaxslar ham guruhidan qat’iy nazar bunday huquqqa ega.

  4. Nogironligi bòlgan shaxslarga poezdga chiqib tushish biroz qiyinchilik tuĝdiradiku bu borada xam biror qulaylik bormi

    • Assalomu alaykum, Zarina! O‘zbekistonda nogironligi bo‘lgan shaxslar uchun temir yo‘l transportida qulayliklar yaratilmoqda. 2019-yilda Toshkent yo‘lovchi vagonlarini qurish va ta’mirlash zavodi nogironlar uchun maxsus mo‘ljallangan 61-931 rusumidagi kupeli shtab vagonlarini ishlab chiqarishni boshlagan edi. Ushbu vagonlarda kirish qismi va yo‘laklar kengaytirilgan, shuningdek, nogironlik aravachasi uchun maxsus ko‘taruvchi moslama o‘rnatilgan. Manba: https://www.gazeta.uz/oz/2019/03/18/maxsus-vagon/

      Ammo bunday sharoitlar barcha poyezdlarda bo‘lmasligi mumkin. Masalan, «Afrosiyob» tez-yurar poyezd vagonida pandus bor edi, lekin temir yo‘l xodimlari uni chiqarib qo‘yib berishmagan edi. Maslahatimiz, poyezdga chiqishdan oldin 1005 qisqa ishonch raqamiga telefon qilib, poyezdlarda nogironligi bo‘lgan shaxslar uchun yaratilgan sharoitlar haqida batafsil ma’lumot oling.

  5. ASSALOMU ALAYKUM MEN, 17 YOSHLI OʻGʻLIM VA 1-GURUH NOGIRONI BOʻLGAN QIZIM BOR QIZIM 14YOSH LEKIN GAVDASI 4YOSHDAY QOTIB QOLGAN BIZ ANDIJONDAN TERMIZGA BILET OLMOQCHI EDIK 6-APRELGA FAQAT TEPA QISMGA QOLGAN EKAN PASTGA ALMASHTIRISH IMKONI BORMI,QIZIM MEN BILAN BITTA OʻRINDA YOTADI.BIZ IKKI KISHIGA OʻGʻLIM VA OʻZIMGA BILET OLDIM qanday imtiyozlardan foydalanishim mumkin yaʼni sotib olingan biletni chegirma qilib beradimi va tepa qismdan pastga tushirish imkoni bormi, javob uchun oldindan raxmat

    • Assalomu alaykum. Nogironligi bo‘lgan shaxslarni temiryo‘l xizmatlaridan foydalanishda imtiyozlari mavjud. Sizni holatingizda qoida bo‘yicha pastki joydan joy tayyorlab berishi shart edi. Lekin masalani ikkinchi tomoni borki, pastki joydan bilet sotib olgan shaxsni joyini sizga tortib olib bera olmaydi. Temiryo‘l xizmatchilarini bunaqa qilishga huquqlari mavjud emas. Shu sababli, keyingi safar biletlarni oldindan sotib olishga harakat qiling va qizingizga nogironlik holati borligi haqida temiryo‘l kassasi xodimiga oldindan xabar berishni tavsiya qilamiz. Salomat bo‘ling!

  6. Salom alaykum men kuz buyicha 2 gurux nogironiman toshkentda yashayman Surxondaryo GA bormoq hi edi m poezdga, lekin borib suraganimda imtiyozli yuq deyishdi, uni ijtimoiy Dan tulab berishsa inobatga olinadimi deyishdi bu tugrimi

    • Assalomu alaykum. Vazirlar Mahkamasining 109-sonli qarorining 152-bandiga asosan temir yo‘llarda yiliga bir marta bepul yurish huquqi (borish va kelishga) quyidagilarga taqdim qilingan:

      • yarador bo‘lgan harbiy xizmatchilar, ishchilar va xizmatchilardan I va II guruh urush oqibatida nogironligi bo‘lgan shaxslar va ularga tenglashtirilgan shaxslarga;

      • Chernobil AES dagi avariyani bartaraf etuvchilari-nogironligi bo‘lgan shaxslarga (O‘zbekiston Respublikasi hududida)

      • o‘zgalar parvarishiga muhtoj keksalar va nogironligi bo‘lgan shaxslar, shuningdek ularni kuzatuvchi shaxslarga. 

      E’tibor qiling. Demak, nogironligi bo‘lgan shaxslar yiliga bir marta temiryo‘llarda bepul yurishi (borish va kelishga) mumkin. shuningdek, huquq plyus saytida ham bu borada maxsus maqola chop etilgan. quyidagi havola orqali shu maqola bilan tanishib chiqishingizni tavsiya qilamiz: https://huquqplus.uz/materials/transport/1618

  7. Assalomu alaykum men Qoraqalpogʻiston Respublikasida yashayman 2-guruh nogironiman poyezdga chipta xarid qilishda imtiyozlar bormi menga?

    • Assalomu alaykum

      Ha sizda temiryo‘l transportidan foydalanishda imtiyozingiz mavjud. Batafsil ma’lumot uchun maqolamizni o‘qing.

  8. Ассалому алейкум мен иккинчи гурух ногрониман Иш вактида ортирилган тошкентдан жиззахга чипта олсам имтиёз борми

    • Assalomu alaykum

      Ha, albatta sizda imtiyoz mavjud.

      Vazirlar Mahkamasining 109-sonli qarorining 152-bandiga asosan temir yo‘llarda yiliga bir marta bepul yurish huquqi (borish va kelishga) quyidagilarga taqdim qilingan:

      yarador bo‘lgan harbiy xizmatchilar, ishchilar va xizmatchilardan I va II guruh urush oqibatida nogironligi bo‘lgan shaxslar va ularga tenglashtirilgan shaxslarga;

      Chernobil AES dagi avariyani bartaraf etuvchilari-nogironligi bo‘lgan shaxslarga (O‘zbekiston Respublikasi hududida)

      o‘zgalar parvarishiga muhtoj keksalar va nogironligi bo‘lgan shaxslar, shuningdek ularni kuzatuvchi shaxslarga. 

      E’tibor qiling. Demak, nogironligi bo‘lgan shaxslar yiliga bir marta temiryo‘llarda bepul yurishi (borish va kelishga) mumkin.

  9. Assalomu allaykum, mening farzandim 2 yosh davun sindromli uni Toshkentga davolmoqchiman Xorazimda toshkenga imtiyoz bormi poyezda chiptaga.

    • Vaalaykum assalom, hurmatli fuqaro!

      Agar pensiya jamg‘armasi tomonidan beriladigan pensiya guvohnomasida sizni ona sifatida Familiya Ism Sharifingiz ko‘rsatilsa, poyezdda chipta sotib olishda sizga 50% chegirma imtiyoz sifatida beriladi ekan. Agar pensiya guvohnomasida onasini ism familiyasi ko‘rsatilmagan bo‘lsa, bunday imtiyozdan foydalanolmaysiz.

      Hozirgi kunda pensiya guvohnomasi elektroni tarzda chiqarilyapti – u yerda bolaning ism/familiyasi chiqadi surati bilan. Siz pensiya jamg‘armasiga borishingiz kerak o‘sha elektron shaklida chiqarilgan pensiya guvohnomasida qo‘lda ota-onasini ism/familiyasini ko‘rsatib yozdirish kerak. O‘shanda 50% imtiyoz olsangiz bo‘ladi. Chipta olishga borganda bolaning metrikasi va VKK qog‘oziniyam so‘rashadi.

      Batafsil ma’lumot uchun O‘zbekiston temir yo‘llari call-markaziga murojaat qilishni tavsiya qilamiz. Qisqa raqam: 1005 (kecha-kunduz ishlaydi).

Fikr qoldiring

Email manzilingiz chop etilmaydi. Majburiy bandlar * bilan belgilangan

Ushbu maqola sizga foydali bo‘ldimi? Biz, HuquqPlus.uz jamoasi, har kuni murakkab huquqiy ma’lumotlarni barcha uchun sodda va tushunarli qilish ustida ishlaymiz. Faoliyatimizni o‘zingiz istagan miqdordagi mablag‘ bilan qo‘llab-quvvatlang — bu bizga yangi maqolalar tayyorlash va nogironligi bo‘lgan shaxslar huquqlarini himoya qilishda davom etishimizga yordam beradi.

Xayriya miqdori
to‘lov usuli