
Uchinchi guruh nogironligi bor shaxslarga qanday imtiyozlar bor?
- Matnli format
- Video format
- Oson matn

O‘zbekistonda nogironligi bo‘lgan shaxslarga imtiyozlar asosan I va II guruh nogironlar uchun mavjud. Ammo III guruhdagi nogironligi bo‘lgan shaxslar uchun qanday imtiyozlar va imkoniyatlar bor? Ushbu maqola orqali ular uchun turli xil sohalarda mavjud ayrim imtiyozlar haqida bilib olasiz.
Ijtimoiy himoya milliy agentligi taqdim qilgan rasmiy ma’lumotga ko‘ra 2026-yil 1-yanvar O‘zbekistonda 1 060 111 nafar nogironligi boʻlgan shaxslar davlat ro‘yxatidan o‘tgan. Ularning 82 405 nafarini – III guruh nogironligi bor shaxslar tashkil qiladi.
III guruh nogironlik darajasi odatda yengilroq nogironlik holatiga ega shaxslarga nisbatan belgilanadi. Shuning uchun ayrim imtiyozlar va ijtimoiy to‘lovlar (masalan, bolalikdan nogironlik nafaqasi, nogironlik pensiyasi, daromad solig‘idan, mol-mulk va yer solig‘idan imtiyozlar, oliy ta’lim muassasalaridagi davlat grantlari) asosan I va II guruh yoki bolalikdan nogironlar uchun mo‘ljallangan.
Qanday holatlarda III guruh nogironligi tayinlanadi?
Nogironlik, mehnatga layoqatlilik darajasiga qarab I, II va III guruhlarga bo‘linadi. III guruh nogironligi – mehnat qilish qobiliyatini qisman yo‘qotgan shaxslarga belgilanadi.
III-guruh nogironlik mezonlariga quyidagilar kiradi:
- Organ yoki tizimning fuksional bizilishi bor;
- Sog’liqdagi buzilishlar doimiy tibbiy nazoratni talab qilmaslik;
- Og’ir surunkali kasalliklar yengil yoki o’rta darajada namoyon bo’ladi (masalan, gipertoniya II boshqichi, qandli diabet);
- Yurak-qon tomir tizimining o’rta darajadagi buzilishi (masalan, yurak yetishmovchiligining I-II bosqichi);
- Tirsak yoki tizza bo’g’imlarida harakat chegaralangan, biroq yurish mumkin;
- Nevrologik kasalliklarning yengil ko’rinishlari (masalan, yengil falaj holatlari, surunkali radikulit, yengil aqliy sustlik).
- gipertoniya kasalligining 2-3 bosqichi;
- infarktdan keyingi koronar yetishmovchilik;
- o‘rtacha og‘irlikdagi qandli diabet;
- kompensatsiyalangan bosqichdagi jigar sirrozi;
- insult yoki bosh miya jarohatining o‘rtacha oqibatlari;
- ish qobiliyati saqlangan holda 1-2 bosqichli onkopatologiya.
II guruh va III guruh nogironliklarining farqi nimada?
II va III guruh nogironliklarini bir-biridan farqlashda asosiy mezon – bu sog‘liqning buzilish darajasi va uning shaxsning kundalik hayotiga ta’siridir. II guruh nogironligini belgilash uchun organizm funksiyalarining turg‘un va sezilarli darajada (70-80% atrofida) buzilishi asos bo‘ladi. Bunday buzilishlar shaxsning o‘z-o‘ziga to‘liq xizmat qilishiga, mustaqil harakatlanishiga yoki to‘laqonli mehnat faoliyati yuritishiga jiddiy to‘sqinlik qiladi va uni boshqalarning yordamiga muhtoj qilib qo‘yadi.
Aksincha, III guruh nogironligi organizm funksiyalari mo’tadil darajada cheklanganda belgilanadi. Bu nogironlikning eng yengil darajasi bo‘lib, bunda inson o‘ziga bemalol xizmat qila oladi, biroq sog‘lig‘i tufayli o‘z kasbi bo‘yicha ishlashda yoki avvalgi ishini bajarishda qiyinchiliklarga duch kelishi mumkin, bu esa unga yengilroq mehnat sharoitlarini talab qiladi.
Hayotiy misol: «Aslida menga II guruh berilishi kerak edi, lekin Tibbiy-ijtimoiy ekspertiza komissiyasi menga III guruh berdi. Bunday vaziyatda nima qilsam bo‘ladi?»
Agar fuqaro tuman (shahar) yoki tumanlararo Tibbiy-ijtimoiy ekspertiza komissiyasi qaroridan norozi bo‘lsa, quyidagi tartibda shikoyat qilish huquqiga ega:
- Birlamchi shikoyat – Tuman/shahar yoki tumanlararo TIEK qaroridan norozi fuqaro 1 oy ichida Qoraqalpog‘iston Respublikasi, viloyatlar yoki Toshkent shahar TIEKga murojaat qiladi. Ariza tushganidan keyin hududiy TIEK 20 kun ichida ariza beruvchini qayta ko‘rikdan o‘tkazadi va xulosani “Tibbiy-ijtimoiy ekspertiza” elektron axborot tizimida rasmiylashtiradi.
- Xolis komissiya – Agar fuqaroga yoki vrach-ekspertga hududiy TIEK xulosasi ma’qul bo‘lmasa, xolis vrach-ekspertlardan iborat komissiya qarorni qayta ko‘rib chiqadi. Xulosa o‘zgartirilgan taqdirda, nogironlik to‘g‘risidagi ma’lumotnoma qayta rasmiylashtiriladi.
- Ijtimoiy himoya milliy agentligiga shikoyat – Hududiy TIEK qaroridan norozi fuqaro 30 kun ichida Agentlikka murojaat qilishi mumkin. Agentlik 1 oy ichida qarorni qayta ko‘rib chiqadi. Zarurat tug‘ilsa, Agentlik tomonidan xolis vrach-ekspertlardan iborat Maxsus komissiya tuziladi va TIEK xulosasi nazorat tartibida qayta o‘rganiladi. Maxsus komissiya avvalgi qarorni o‘zgartirsa, tegishli hududiy TIEK tomonidan yangidan nogironlik ma’lumotnomasi rasmiylashtiriladi.
- Sud tartibi – Fuqarolar barcha bosqichlardagi qarorlardan norozi bo‘lgan taqdirda, qonunchilikda belgilangan tartibda sudga murojaat qilish huquqiga ega.
Fuqarolar Ijtimoiy himoya milliy agentligining 1140 va 1146 ishonch raqamlari orqali oʻz savol va takliflarini Agentlikka bersalar boʻladi. Shuningdek, ariza, shikoyat va iltimoslarni «Jismoniy va yuridik shaxslarning murojaatlari to‘g‘risida»gi Qonun talablariga asosan yuborsangiz boʻladi.
Ariza yoki shikoyat xatlarida quyidagilar bo‘lishi lozim:
- F.I.Sh.;
- manzil;
- masalaning tushunarli va qisqacha mazmuni;
- telefon raqamingiz (bog‘lanish uchun).
Murojaatlaringizni quyidagi manzilga yuborsangiz boʻladi: O‘zbekiston, Toshkent sh, Mirobod tumani, Yangizamon ko‘chasi, 1-uy. Telefonlar: (0371) – 239-59-22, (0371) – 202-06-00, (0371) – 239-59-23
E-mail: info@ihma.uz; ihma@exat.uz
III guruhdagi nogironligi bo‘lgan shaxslar uchun nogironlik nafaqasi to‘lanadimi?
Vazirlar Mahkamasining 252-sonli qarori bilan tasdiqlangan “Davlat pensiyalarini tayinlash va to‘lash tartibi to‘g‘risida”gi Nizomga muvofiq (ushbu qaror hozirgi kunda amalda emas, 20.09.2023 yil o‘z kuchini yoqotgan), 2011-yil 1-yanvardan boshlab nogironlikning III guruhi belgilangan shaxslarga nogironlik pensiyasi tayinlanmaydi va to‘lanmaydi. Shuningdek, takroriy tibbiy ko‘rikdan o‘tkazilgandan so‘ng nogironlikning III guruhi belgilangan shaxslarga ham pensiya tayinlanmaydi va toʻlash toʻxtatiladi.
Eslatma! «Fuqarolarning davlat pensiya ta’minoti to‘g‘risida»gi Qonuni 15-moddasiga muvofiq, faqatgina Chernobil AESdagi avariya tufayli mayib bo‘lish yoki kasallik oqibatida III guruh nogironligini orttirgan shaxslargagina nogironlik pensiyalari tayinlanadi. Ular nogironlik pensiyasini olishni davom ettirishadi. Chernobil AES falokati oqibatida nogiron deb topilganlarga I va II guruh nogironligi muddatsiz, III guruh esa 5 yil muddatga beriladi. Sabab sifatida “CHAES falokati oqibatida” deb yoziladi.
20 yoshga toʻlgunga qadar umumiy kasallik tufayli ish davrida yoki ishlash toʻxtatilganidan keyin nogironligi boʻlgan shaxs deb topilgan fuqarolarga tayinlanadigan pensiya turlari ham mavjud. Masalan, shaxs 20 yoshga toʻlgach umumiy kasallik tufayli nogironlik paydo boʻldi. Bunday hollarda fuqarolarga pensiyalar mavjud ish stajidan qatʻi nazar tayinlanadi.

Nogironligi boʻlgan shaxslarning pensiya olishga boʻlgan huquqi haqida batafsil huquqiy maqolamizda oʻqing.
III guruh nogironlik belgilangan shaxs pensiya yoshiga yetganda yoshga doir pensiya olish huquqiga ega. Agar nogironlik pensiyasini olayotgan Chernobil AESdagi avariya tufayli III guruh nogironligi bor shaxslar yoshga doir pensiya yoshiga yetgan bo‘lsa, ushbu fuqarolar faqat bir turdagi pensiyani tanlash huquqiga ega. Sababi, nogironlik pensiyasi va yoshga doir pensiya bir vaqtning o‘zida to‘lanmaydi. Qaysi pensiya miqdori yuqori bo‘lsa, fuqaro o‘sha turdagi pensiya turini tanlashi mumkin.
Ta’lim olishda III guruh nogironligi bor shaxslarga imtiyozlar bormi?
III guruh nogironligi (shuningdek, II guruh) bor o‘quvchilar maxsus maktab-internatlardan inklyuziv tartibdagi umumta’lim maktablariga o‘tkazilishi mumkin. Bu imkoniyat I guruh nogironligi bo‘lgan bolalarga tatbiq etilmaydi. Masalan, mutlaqo ko‘ra olmaydigan yoki tayanch-harakat tizimidagi og‘ir buzilishlar sababli umuman yura olmaydigan I guruh nogiron o‘quvchilar inklyuziv ta’limga jalb qilinmaydi.
Bilim va malakalarni baholash agentligi taqdim qilgan ma’lumotga ko‘ra, III guruh nogironligi bor abituriyentlar oliy ta’lim muassasalarining bakalavriatiga o‘qishga kirishda test sinovi uchun to‘lovdan ozod etiladi.
Eslatma! III guruh nogironligi bo‘lgan abituriyentlarga nisbatan nogironligi bo‘lgan abituriyentlarning oliy ta’lim muassasalariga kirishlari uchun belgilangan 2% kvota imtiyozi qo‘llanilmaydi.
III guruh nogironligi bor shaxslarga mehnat qilishda qanday imtiyozlar bor?
Vazirlar Mahkamasining 2022-yil 31-avgustdagi 486-son qarori 3-ilovasiga muvofiq, III guruh nogironligi bo‘lgan shaxslar uchun faoliyat yuritishi mumkin bo‘lgan kasblar va lavozimlar ro‘yxati hamda mehnat sharoitlari bo‘yicha tavsiyalar mavjud. Masalan, qon aylanish tizimi yoki boshqa somatik kasalliklar oqibatida III guruh (ba’zan II guruh) nogironligi bo‘lgan shaxslar, TIEK tavsiyasiga ko‘ra, mehnat faoliyati uchun tegishli tashkilotlarga yuboriladi.
O‘zbekiston Respublikasining Mehnat kodeksidagi qisqartirilgan ish vaqti davomiyligi, uzaytirilgan mehnat ta’tili va boshqa imtiyozlar faqatgina I va II guruh nogironligi bo‘lgan shaxslarga nisbatan qo‘llaniladi. 1941 — 1945-yillardagi urush qatnashchilariga va imtiyozlari bo‘yicha ularga tenglashtirilgan boshqa shaxslarga Mehnat kodeksining 227 va 228-moddalariga muvofiq birinchi hamda ikkinchi va keyingi ish yillari uchun har yilgi mehnat ta’tilini berish tartibi belgilangan. Shuningdek, bunday toifadagi shaxslarga Mehnat kodeksining 242-moddasida xodimning talabiga ko‘ra majburiy tartibda ish haqi saqlanmagan holda ta’til berish ko‘zda tutilgan.
III guruh nogironligi bor shaxslar uchun transportdan foydalanishda imtiyozlar bormi?
III guruh nogironligi bor shaxslar jamoat transportida (avtobus, tramvay, trolleybus, metropoliten, yo‘nalishli va yo‘nalishsiz taksilar) bepul yurish huquqiga ega emas. Qonunchilikka ko‘ra bepul foydalanish huquqi faqat quyidagi toifadagi shaxslarga berilgan:
- 1941—1945 yillardagi urush nogironlari va urushning I guruh nogironiga hamrohlik qiluvchi shaxslar;
- Nogironligi bo‘lgan ko‘zi ojiz shaxslar va ularga safarlarda hamrohlik qiluvchi shaxslar;
- O‘zgalar parvarishiga muhtoj bo‘lgan yolg‘iz keksalar, yolg‘iz yashovchi keksalar va nogironligi bo‘lgan shaxslar.
Urush oqibatida III guruh nogironligi bo‘lgan shaxslarga yiliga bir marotaba poyezd chiptasidan 50% chegirma beriladi (borish va kelish uchun) taqdim etilgan guvohnoma asosida.
Ulug‘ Vatan urushi nogironlari va qatnashchilari, Chernobil AES avariyasini bartaraf etishda ishtirok etgan shaxslar, shuningdek, ularga tenglashtirilgan III guruh nogironligi bor shaxslar uchun «Uzbekistan Airways» AJ qatnovlarida yil davomida imtiyozlar qo‘llaniladi:
- agar ular UVU 3-guruh nogironi guvohnomasi va ikki dona havo transporti taloniga (joriy va oldingi yoki joriy va keyingi yil uchun) ega bo‘lsa, 100% chegirma asosida bepul uchishlari mumkin;
- faqat joriy yil uchun berilgan bitta talon asosida 50% chegirma bilan aviachiptadan foydalanish huquqiga ega.
Xulosa qilib aytganda, III guruh nogironlari yil davomida ikkita talon bilan bepul, bitta talon bilan esa yarim narxda aviachiptadan foydalanishlari mumkin.
Foydalanilgan manbalar:
- «Davlat pensiyalarini tayinlash va to‘lash tartibini yanada takomillashtirishga yo‘naltirilgan normativ-huquqiy hujjatlarni tasdiqlash to‘g‘risida»gi O‘zbekiston Respublikasi Vazirlar Mahkamasining 08.09.2011 yildagi 252-son qarori. https://lex.uz/docs/-1865473?ONDATE=16.02.2018#-1865481
- «Fuqarolarning davlat pensiya ta’minoti to‘g‘risida»gi O‘zbekiston Respublikasining Qonuni, 03.09.1993 yildagi 938-XII-son, https://lex.uz/ru/docs/-112314#-126992
- “Jismoniy va yuridik shaxslarning murojaatlari to‘g‘risida”gi O‘zbekiston Respublikasi qonuniga o‘zgartish va qo‘shimchalar kiritish haqidagi O‘zbekiston Respublikasining Qonuni, 11.09.2017 yildagi O‘RQ-445-son, https://lex.uz/docs/-3336169#-3336174
- «Tibbiy-ijtimoiy ekspertiza xizmati tashkiliy tuzilmasini va faoliyatini tashkil etishga oid normativ-huquqiy hujjatlarni tasdiqlash to‘g‘risida»gi O‘zbekiston Respublikasi Vazirlar Mahkamasining 08.02.2022 yildagi 62-son qarori, https://lex.uz/ru/docs/-5852486#-5852901
- «Nogironlikni belgilash tizimini takomillashtirish boʻyicha qoʻshimcha chora-tadbirlar toʻgʻrisida»gi O‘zbekiston Respublikasi Prezidentining Qarorining 2024-yil 16-iyuldagi 257-son qonuni https://lex.uz/docs/-7021644
- «Nogironligi bo‘lgan abituriyentlarga beriladigan imtiyozlar» O‘zbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi, 2022-yil 9-iyun, https://uzbmb.uz/post/view/nogironligi-bo-lgan-abituriyentlarga-beriladigan-imtiyozlar
- «Davlat pensiyalarini tayinlash va to‘lash tartibi to‘g‘risidagi nizomni tasdiqlash haqida» O‘zbekiston Respublikasi Vazirlar Mahkamasining 13.10.2022 yildagi 592-son qarori, https://lex.uz/ru/docs/-6236060#-6236607
- «Nogironligi bo‘lgan shaxslarning mehnat faoliyatini amalga oshirishi uchun qulay shart-sharoitlar yaratish chora-tadbirlari to‘g‘risida»gi O‘zbekiston Respublikasi Vazirlar Mahkamasining 31.08.2022 yildagi 486-son qarori, https://lex.uz/uz/docs/-6179643#-6180150
Assalomu alaykum 28 yoshga yaqinda tolgan 2 gr nogirono nola 3gr ga tushdi.Kalqonsimon bez xavli osmasi .total tireoidektomiya operasiyasi (2024.26 iyun)otkazilgan.Ogir daraja gipoterioz bn ogrigan bemorbolaga nima uchun 1 yilgina 2gr berilmaydi
Vaalaykum assalom! Afsuski, biz Tibbiy-ijtimoiy ekspert komissiyasi (TIEK) faoliyatiga aralasholmaymiz chunki nogironlikni belgilash bo’yicha qarorni ular qabul qiladi. Agar siz tuman (shahar) yoki tumanlararo TIEK qaroridan norozi bo‘lsangiz, belgilangan tartibda shikoyat qilish huquqiga egasiz.
Birlamchi shikoyat tuman/shahar yoki tumanlararo TIEK qaroridan norozi fuqaro 1 oy ichida Qoraqalpog‘iston Respublikasi, viloyatlar yoki Toshkent shahar TIEKga murojaat qilishi kerak. Nogironlikni belgilash bo‘yicha qolgan savollaringizni mutaxassisning oʻzlariga quyidagi telefonlar orqali berishingiz mumkin.
Ijtimoiy himoya milliy agentligining “1140” va (71) 202-06-00 ishonch telefoni orqali murojaat qiling.
Qayta ariza berish uchun qayerga murojat qilamiz?
Assalomu alaykum! Agar nogironlikni belgilash uchun qayta ariza bermoqchi bo‘lsangiz, unda hududingizda joylashgan «Inson» ijtimoiy xizmatlar markazida qoshida faoliyat ko‘rsatayotgan Tibbiy-ijtimoiy ekspert komissiyasiga murojaat qilishni tavsiya qilamiz. Koll-markazi qisqa raqami: 1140
Ассалому алейкум . Мен 2012 йилдан бери тиреотоксикоз касаллиги бн эндокринологияда руйхатда тураман. 24 йилу 4 ойлик узликсиз иш стажим бор. Шу кадаллигим туфайли кузимда увеит юкори даражали миопия. Ревмотоидли полиартрит . Тахикардия. Гипертензия касалликларига чалиндим . 127 кун кадаллик варакасида булдим .узим хамшира булиб ишлайман . Менга Втэк 3 гр ногиронлигини берибди. Мен норозиман . Каерга мурожат килсам булади.
Vaalaykum assalom,
Agar siz tuman (shahar) yoki tumanlararo TIEK qaroridan norozi bo‘lsangiz, belgilangan tartibda shikoyat qilish huquqiga egasiz. Birlamchi shikoyat tuman/shahar yoki tumanlararo TIEK qaroridan norozi fuqaro 1 oy ichida Qoraqalpog‘iston Respublikasi, viloyatlar yoki Toshkent shahar TIEKga murojaat qilishingiz kerak. Shikoyat berish tartibi haqida batafsil ushbu maqolamizda batafsil ma’lumot berganmiz. Iltimos, batafsil o’rganib chiqing.
Fuqarolar Ijtimoiy himoya milliy agentligining 1140 va 1146 ishonch raqamlari orqali oʻz savol va takliflarini Agentlikka bersalar boʻladi. Shuningdek, ariza, shikoyat va iltimoslarni «Jismoniy va yuridik shaxslarning murojaatlari to‘g‘risida»gi Qonun talablariga asosan yuborsangiz boʻladi.
Ariza yoki shikoyat xatlarida quyidagilar bo‘lishi lozim:
F.I.Sh.;
manzil;
masalaning tushunarli va qisqacha mazmuni;
telefon raqamingiz (bog‘lanish uchun).
Murojaatlaringizni quyidagi manzilga yuborsangiz boʻladi: O‘zbekiston, Toshkent sh, Mirobod tumani, Yangizamon ko‘chasi, 1-uy. Telefonlar: (0371) – 239-59-22, (0371) – 202-06-00, (0371) – 239-59-23
E-mail: info@ihma.uz; ihma@exat.uz
Bayramlarda beriladigan 1martalik yordamlar 3 guruh nogironligi borlar uchun ham ajratishsin menda ham 3 guruh nogironligi bor hozir oliy ta’limda oqimoqdaman lekin oqishda ham imtiyozlar yoq yotoqxona masalasida hech bolsa yordam qilishsin
Assalomu alaykum, afsuski III guruh nogironligi bor shaxslar uchun imtiyozlar ancha cheklangan. Ushbu maqolamizda bor imtiyozlar haqida ma’lumot berishga harakat qildik. OTMga o’qishga kirishda ham 2% kvota imtiyozi faqat I va II guruh nogironligi bor shaxslarga taqdim etiladi. Yotoqxona masalasida ham imtiyozlar faqat I va II guruh nogironligi bor talabalarga beriladi:
Bugungi kunda talabalar turarjoyida yashash umumiy to‘lovi – 250 ming so‘mni tashkil etadi. I guruh nogironligi bo‘lgan talabalar talabalar turarjoylarida davlat hisobidan bepul turishadi. II guruh nogironligi bo‘lgan talabalar talabalar turargohida yashash uchun belgilangan umumiy to‘lovning 50 foiz miqdorida to‘lovni amalga oshirishadi. Bu bugungi kunda 125 ming so‘mni tashkil etadi.
Batafsil: https://huquqplus.uz/materials/talim/1877
Salom menga 3 gurux nogironligi taynlandi xozirda ishlayman 10 yilik stajim bor menga nafaqa tulanadimi?
Assalomu alaykum, 2011-yil 1-yanvardan boshlab nogironlikning III guruhi belgilangan shaxslarga nogironlik pensiyasi tayinlanmaydi va to‘lanmaydi. Shuningdek, takroriy tibbiy ko‘rikdan o‘tkazilgandan so‘ng nogironlikning III guruhi belgilangan shaxslarga ham pensiya tayinlanmaydi va toʻlash toʻxtatiladi.
«Fuqarolarning davlat pensiya ta’minoti to‘g‘risida»gi Qonuni 15-moddasiga muvofiq, faqatgina Chernobil AESdagi avariya tufayli mayib bo‘lish yoki kasallik oqibatida III guruh nogironligini orttirgan shaxslargagina nogironlik pensiyalari tayinlanadi. Ular nogironlik pensiyasini olishni davom ettirishadi. Chernobil AES falokati oqibatida nogiron deb topilganlarga I va II guruh nogironligi muddatsiz, III guruh esa 5 yil muddatga beriladi. Sabab sifatida “CHAES falokati oqibatida” deb yoziladi.
Assalomu aleykum meni chap son chanoq tug’ma chiqishi asorati displastik koksaartroz 3 daraja o’ng oyog’imda 2 daraja koksaartroz yurishi cheklangan ishlay olmayman ijarada yashayman meni 2026 yil fevral oyi VTEk 3 guruxga tushirdik norozi ariza berdim viloyat elektron bo’lgan biz xech narsa qilolmaysiz dedi man nima qilsam bo’ladi
Vaalaykum assalom! Agar hududiy (viloyat) TIEK qaroridan norozi bo’lsangiz, siz 30 kun ichida Ijtimoiy himoiya milliy agentlikka murojaat qilishingiz mumkin. Fuqarolar Ijtimoiy himoya milliy agentligining 1140 va 1146 ishonch raqamlari orqali oʻz savol va takliflarini Agentlikka bersalar boʻladi. Shuningdek, ariza, shikoyat va iltimoslarni «Jismoniy va yuridik shaxslarning murojaatlari to‘g‘risida»gi Qonun talablariga asosan yuborsangiz boʻladi.
Ariza yoki shikoyat xatlarida quyidagilar bo‘lishi lozim:
F.I.Sh.;
manzil;
masalaning tushunarli va qisqacha mazmuni;
telefon raqamingiz (bog‘lanish uchun).
Murojaatlaringizni quyidagi manzilga yuborsangiz boʻladi: O‘zbekiston, Toshkent sh, Mirobod tumani, Yangizamon ko‘chasi, 1-uy. Telefonlar: (0371) – 239-59-22, (0371) – 202-06-00, (0371) – 239-59-23
E-mail: info@ihma.uz; ihma@exat.uz
Agentlik arizangiz 1 oy ichida qarorni qayta ko‘rib chiqadi. Zarurat tug‘ilsa, Agentlik tomonidan xolis vrach-ekspertlardan iborat Maxsus komissiya tuziladi va TIEK xulosasi nazorat tartibida qayta o‘rganiladi. Maxsus komissiya avvalgi qarorni o‘zgartirsa, tegishli hududiy TIEK tomonidan yangidan nogironlik ma’lumotnomasi rasmiylashtiriladi.
Agar barcha bosqichlardagi qarorlardan norozi bo‘lsangiz, qonunchilikda belgilangan tartibda sudga murojaat qilish huquqiga egasiz.
Men Ismoilova kamola bolakidan tu-vma barmoqlarim yo’q 31 yoshdaman oylali emasma 3 gurux nogronlgi bor va men oliygoxga o’qishga topshirmoqchiman bunda menga qanqa imkoniyatlar beradi shu haqida malumot olmoqchi edim
Assalomu alaykum, nogironligi bo‘lgan shaxslar uchun oliy ta’lim muassasalarida davlat granti asosida abituriyentlarni qabul qilish umumiy sonining 2 % (ikki foizi) miqdorida qo‘shimcha qabul kvotasi faqat 1 va 2-guruh nogironligi bor shaxslarga taqdim qilinadi. Bu haqida batafsil ushbu maqolamizda ma’lumot bor: https://huquqplus.uz/materials/talim/1861
Afsuski, 3-guruh nogironligi bo‘lgan abituriyentlarga nisbatan nogironligi bo‘lgan abituriyentlarning oliy ta’lim muassasalariga kirishlari uchun belgilangan 2% kvota imtiyozi qo‘llanilmaydi.
Салом мен ошкозонимдан икки марта жаррохлик утказиб 3/2 кисми олиб ташланган. Менда хозир демпинг синдроми , менда кучли холсизлик бош айланиши куватсизлик , витамин етишмочилиги, тинимсиз доволанаман фойдаси билинмаяпти . 6 йилдан Бери 2 гурух олардим 3 га тушириб ташлади . Туман онлаин узи белгилаган деди . Вилоят хам шундай деяапти . Мехнат килай олмайман нима килай ердам беренглар .
Assalomu alaykum, hurmatli fuqaro!
Agar siz tuman (shahar), tumanlararo TIEK xulosasidan norozi bo‘lsangiz, 30 kalendar kun mobaynida Qoraqalpog‘iston Respublikasi, viloyatlar va Toshkent shahar TIEKga yoki belgilangan tartibda sudga murojaat qilishingiz mumkin. Ariza tushgandan keyin Qoraqalpog‘iston Respublikasi, viloyatlar va Toshkent shahar TIEK keyingi 20 kalendar kun mobaynida ariza beruvchini qayta ko‘rikdan o‘tkazadi va o‘z xulosasini «Ekspertiza» modulida rasmiylashtirib beradi.
Agar TIEK xulosasidan yana norozi bo‘lsangiz, unda sudga tegishli tartibda murojaat qilishingiz mumkin.
Huquqiy asos: Oʻzbekiston Respublikasi Vazirlar Mahkamasining qarori, 08.02.2022 yildagi 62-son, https://lex.uz/uz/docs/-5852486
Салом мен ошкозонимдан икки марта жаррохлик утказиб 3/2 кисми олиб ташланган. Менда хозир демпинг синдроми , менда кучли холсизлик бош айланиши куватсизлик , витамин етишмочилиги, тинимсиз доволанаман фойдаси билинмаяпти . 6 йилдан Бери 2 гурух олардим 3 га тушириб ташлади . Туман онлаин узи белгилаган деди . Вилоят хам шундай деяапти . Мехнат килай олмайман нима килай ердам беренглар .
Sizga javob berdik: https://huquqplus.uz/materials/social-protection/7769/comment-page-2#comment-1601
Assalomu alaykum yaxshimisiz 18 yoshman nogironlik zaiflik eshituvchi 4 darajasi nerv toʻqimasi kasalligi bulgan nega 3guruh tushirilgan 1 yoki 2 guruh berilsa bulmiydimi? Pensiya kerak manda quloqni sal chunmeng qoladi unversiteti chasnik ketvorganman chunmeng bub qoldi iltimos menga pensiya kerak oldindan rahmat
Vaalaykum assalom, hurmatli fuqaro!
Savolingiz uchun rahmat. Odatda quloq umuman eshitmasa nogironlikning 3 guruhi belgilanadi. Bunda muloqot qilish va mehnat qilish layoqati 2 daraja emas 3 daraja buziladi. Quloqning to‘liq eshitmasligida (karlik) Vazirlar Mahkamasining 2022-yil 8-fevraldagi 62-sonli qaroriga asosan 3 guruh nogironligi belgilanadi. Bolalikdan tug‘ma kar-soqovlik bo‘lgan taqdirda yuqoridagi qarorga asosan ikkinchi guruh nogironligi belgilanadi.
Agar siz tuman (shahar), tumanlararo TIEK xulosasidan norozi bo‘lsangiz, 30 kalendar kun mobaynida Qoraqalpog‘iston Respublikasi, viloyatlar va Toshkent shahar TIEKga yoki belgilangan tartibda sudga murojaat qilishingiz mumkin. Ariza tushgandan keyin Qoraqalpog‘iston Respublikasi, viloyatlar va Toshkent shahar TIEK keyingi 20 kalendar kun mobaynida ariza beruvchini qayta ko‘rikdan o‘tkazadi va o‘z xulosasini «Ekspertiza» modulida rasmiylashtirib beradi.
Agar TIEK xulosasidan yana norozi bo‘lsangiz, unda sudga tegishli tartibda murojaat qilishingiz mumkin.
Huquqiy asos: Oʻzbekiston Respublikasi Vazirlar Mahkamasining qarori, 08.02.2022 yildagi 62-son, https://lex.uz/uz/docs/-5852486