
Bola puli va kam ta’minlangan oilalarga nafaqalar to‘lash tartibi qanday?
- Matnli format
- Video format
- Oson matn

Muallif: Imomali Tuyev
Muharrir: Nasiba Atamuratova
Illyustratsiya: Alina Olimova
Illyustratsiyaga tifloizoh: 5000 so‘mlik qog‘ozli pulni ustida ona va uning o‘g‘li choy ishishyapti. Yashil rangdagi yorug‘ xonada stolni ustida paxta gulli choynak va likopchani ustida ikki bo‘lak non ustida saryog‘ surilgan. Tepada 100 so‘mlik tanga ham tasvirlangan.
Bugungi kunda mamlakatimizda aholining yordamga muhtoj bo’lgan qatlamini qo’llab-quvvatlashga alohida e’tibor berilmoqda. Ushbu maqsadda ularga turli xil moddiy ko’maklar berilib, ularning turmush tarzini yaxshilash uchun harakatlar amalga oshirilmoqda. Bu boradagi ijtimoiy munosabatlar O’zbekiston Respublikasi Prezidentining 2021-yil 11-avgustdagi PF-6277-son farmoni bilan tartibga solingan.
Bolani parvarish qilish nafaqasi – oilalarga bola 2 yoshga to’lgunicha ularni parvarish qilish uchun beriladi.
Bolalar nafaqasi (xalq tilida «bola puli») – bola parvarishi nafaqasi o’rniga kam ta’minlangan oilalar farzandlari uchun beriladigan nafaqa.
Kam ta’minlangan oila – oilaning har bir a’zosiga jami bir oylik o‘rtacha daromad minimal iste’mol xarajatlari miqdoridan oshmagan oila.
Moddiy yordam – bolalari yo’q yoki barcha bolalari 18 yoshdan katta bo‘lgan oilalarga va yolg‘iz fuqarolarga to‘lanadi. U 6 oy muddatga tayinlanadi.
Bolalar nafaqasini tayinlashda nimalarga e’tibor beriladi?
- Oiladagi 14 yoshdan 18 yoshgacha bo’lgan bolalar;
- Bolalar soni;
- Oilaning kam ta’minlangan deb e’tirof etilishi.
Nafaqa 6 oydan 12 oygacha tayinlanishi mumkin. Lekin, agarda oilaning eng kichik yoxud yagona bolasi 18 yoshga to‘lgan bo‘lsa, nafaqa oyning oxirigacha to‘lanadi.
Masalan, sizning eng kichik farzandingiz noyabr oyida 18 yoshga to’ladi. Siz esa ushbu farzand uchun bola nafaqasini olayapsiz. Uning to’lanishi noyabr oyida bolangizning 18 ga kirishi bilan to’xtatiladi.
O‘zbekiston Respublikasi Vazirlar Mahkamasining 21.10.2021 yildagi 654-son qaroriga muvofiq, oilaning har bir a’zosiga to‘g‘ri keladigan jami 1 oylik o‘rtacha daromad miqdori minimal iste’mol xarajatlari miqdoridan oshmasa, oila kam ta’minlangan deb e’tirof etiladi. Ya’ni, oilangizning rasmiy daromadi oila a’zolaringiz soniga bo‘linganida kishi boshiga 715 ming so‘mdan oshmasa, demak oilangiz kam ta’minlangan oila hisoblanadi.
2026-yildan boshlab hisoblangan minimal iste’mol xarajatlari qiymati bir oyda kishi boshiga 715 ming so‘mni tashkil etdi.
Oilaning bir a’zosiga to‘g‘ri keladigan bir oylik o‘rtacha jami daromadni hisoblab chiqishning misoli:
Masalan: 4 kishidan iborat oilaning a’zosi moddiy yordam olish uchun 2023-yil dekabr oyida murojaat etgan. Uning daromadlari avgust — oktyabr oylari uchun hisoblanadi. Oila a’zolarining barcha daromadlari yig‘indisi (normativ daromadlarni hisobga olgan holda) 7 650 000 so‘mni tashkil etadi. Oilaning bir a’zosiga to‘g‘ri keladigan bir oylik o‘rtacha jami daromadi quyidagini tashkil etadi: 7 650 000 so‘m / 4 kishi / 3 oy — 637 500 so‘m. Bu oilaning har bir a’zosiga 637 500 so‘mdan to‘g‘ri kelyapti. Bu esa belgilangan minimal iste’mol xarajati miqdori 715 000 so‘mdan kam degani.
Eslatma! Bir oylik o‘rtacha jami daromad miqdorini hisoblab chiqishda oila a’zolarining quyidagi nogironlik nafaqasi va pensiyalari rasmiy daromad sifatida hisoblanadi:
- 18 yoshdan katta bolalikdan nogironligi bo‘lgan shaxslarga nafaqa;
- nogironligi bo‘lgan 18 yoshgacha bolalar va OIV infeksiyasiga chalingan 18 yoshgacha bo‘lgan shaxslarga nafaqa;
- o‘zgalar parvarishiga muhtoj nogironligi bo‘lgan 18 yoshgacha bolaning qonuniy vakiliga to‘lanadigan parvarishlash nafaqasi;
- nogironlik bo‘yicha nafaqa;
- nogironlik bo‘yicha nafaqa summasi doirasidagi nogironlik pensiyasi (nogironlik pensiya miqdoridan zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa miqdori chegirib tashlanadi);
- O‘zbekiston Respublikasi Vazirlar Mahkamasining 21.10.2021 yildagi 654-sonli qarorining 23-moddasida ko‘rsatilgan boshqa turdagi nafaqa va pensiyalar.
Oilani kam ta’minlangan deb e’tirof etish, ularga bolalar nafaqasi va moddiy yordamni tayinlash va to‘lash to‘g‘risidagi qarorlar “Yagona reyestr” ATda shakllantiriladi va qabul qilinadi.
“Ijtimoiy himoya yagona reyestri” axborot tizimi — idoralararo elektron o‘zaro hamkorlikni qo‘llagan holda kam ta’minlangan oilalarni aniqlash, ularga bolalar nafaqasi va moddiy yordam tayinlash hamda davlat tomonidan ko‘rsatiladigan ijtimoiy xizmatlar va yordamni olish uchun murojaat qiluvchilar va oluvchilar to‘g‘risida yagona ma’lumotlar bazasini shakllantirish amalga oshiriladigan avtomatlashtirilgan axborot tizimi.
Bolalar nafaqasining miqdori qancha?
Bolalar nafaqasining har oylik miqdori:
- 360 000 so‘m — yoshi 3 yoshgacha bo‘lgan bir nafar kichik farzand uchun;
- 275 000 so‘m — 3 yoshdan 18 yoshgacha bo‘lgan bir nafar farzand uchun;
- 165 000 so‘m — oilaning ikkinchi farzandi uchun qo‘shimcha;
- 110 000 so‘mdan — oilaning uchinchi va undan keyingi har bir farzandi uchun.
Kam ta’minlangan oilalar uchun moddiy yordamning oylik miqdori – 420 000 so‘m.
Arizani qanday topshirsa bo‘ladi?
Yuqoridagi yordamni olish uchun shaxslar o’zining doimiy yoki vaqtincha yashash hududidagi mahalla fuqarolar yig’iniga murojaat qilshi kerak. Siz ularga arizani yozma shaklda olib borishingiz kerak.
Arizaga quyidagilar ilova qilinadi:
- Ariza beruvchi va oila a’zolarining pasporti yoki ID-kartalari;
- Vasiylik va homiylik organi qarorining nusxasi. (Agarda bola vasiylik ostida bo’lsa);
- Oilaning mavjud uy hayvonlari, transportlari haqida ma’lumot. Agarda ushbu vositalar uning nomiga rasmiylashtirilmagan bo’lsa, unda belgilangan tartibdagi ma’lumotnoma to’ldiriladi.
- Ariza beruvchi yoki oila a’zolari nomiga so’nggi 3 oy ichida o’tkazilgan pul mablag’lari, hisobvaraq qoldiqlari haqida ma’lumotnoma.
2024-yil may oyidan boshlab Bolalar nafaqasi va moddiy yordam tayinlashga onlayn ariza berish imkoniyati paydo bo‘ldi. Onlayn arizani Yagona interaktiv davlat xizmatlari portali my.gov.uz orqali berish mumkin va bu xizmatdan foydalanish bepul.
Talabgorlar ushbu onlayn xizmatdan foydalanish uchun:
- my.gov.uz da ro‘yxatdan o‘tishi;
- tegishli xizmatni tanlashi;
- undagi so‘rovnomani to‘ldirishi va yuborishi kerak.
Quyidagi video orqali onlayn ariza topshirish haqida batafsil ma’lumot olsangiz bo‘ladi.
Ariza “Ijtimoiy himoya yagona reyestri” axborot tizimi tomonidan o‘rganib chiqiladi. Bunda ariza beruvchi oilasining har bir aʼzosiga to‘g‘ri keladigan daromad miqdori aniqlanadi va belgilangan mezonlarga mosligi solishtiriladi.
Shundan so‘ng, ijtimoiy nafaqani tayinlash yoki tayinlashni rad etish to‘g‘risida qaror qabul qilinadi. Ariza javobi my.gov.uz orqali yuboriladi. Mazkur xizmat O‘zbekiston Respublikasi Prezidenti huzuridagi Ijtimoiy himoya milliy agentligi tomonidan koʻrsatiladi.
Qanday holatlarda bola puli va moddiy yordam rad etilishi mumkin?
Oilani kam ta’minlangan deb e’tirof etish va unga tegishli ravishda bolalar nafaqasi yoki moddiy yordamni tayinlashni rad etish holatlari O‘zbekiston Respublikasi Vazirlar Mahkamasining 21.10.2021 yildagi 654-sonli qarorining 4-bob “Bolalar nafaqasi yoki moddiy yordam olish uchun arizalarni ko‘rib chiqish tartibi”, 20-moddasida ko‘rsatib o‘tilgan.
Bunda, nogironligi bo‘lgan shaxslar va ularning oila a’zolari quyidagi holatlarga e’tibor berishlari kerak.
Oila a’zosi I yoki II guruh va 18 yoshgacha bolalikdan nogiron bo‘lsa:
- 7 yildan oshmagan, texnik holati soz bo‘lgan yengil avtotransport vositasi o‘z nomiga rasmiylashtirilgan bo‘lsa,
- ariza beruvchi yoki uning oila a’zolari foydalanuvida bo‘lgan,
- yoxud ishonchnomaga asosan quyidagilar mavjud bo‘lganda rad etilishi mumkin.
Agar oilada:
- bola uch yoshga to‘lguniga qadar parvarish qilayotgan ona bo’lsa (ularning o‘rnini bosuvchi shaxslar);
- ta’lim muassasalarida o‘qiyotganlar bo’lsa (ta’limning kechki va sirtqi shakllari bundan mustasno);
- ishlamaydigan pensionerlar, davlat pensiyasi tayinlash uchun zarur ish stajiga ega bo‘lmagan shaxslarga va mehnatga layoqatsizlik yuzasidan nafaqa oluvchi fuqarolar bo‘lsa;
- OIV infeksiyasiga chalingan shaxslar bo‘lsa;
- I yoki II guruh va bolalikdan nogironligi bo‘lgan 18 yoshgacha shaxslar bo‘lsa;
- to‘rt va undan ortiq o‘n sakkiz yoshga to‘lmagan farzandi mavjud bo‘lgan oilaning mehnatga layoqatli har bir a’zosiga nisbatan. (Bunda 2024-yil 16-maydan boshlab taqdim etilgan arizalar bo‘yicha arizachi yoki oila a’zosi I yoki II guruh va 18 yoshgacha bolalikdan nogiron oila a’zosi bo‘lganda ushbu qoida qo‘llaniladi);
- ruhiy kasalliklar bo‘yicha dispanser hisobida turgan oila a’zolariga nisbatan.
Ulardan rasmiy daromad manbasiga ega bo‘lish, oxirgi 6 oy mobaynida ish izlab kambag‘allikni qisqartirish va bandlikka ko‘maklashish organlariga murojaat qilish hamda bu organlar hisobida turish talabi qo‘yilmaydi. Shuningdek, o‘zini o‘zi band qilgan shaxslar ro‘yxatiga kiritilishi yoki haq to‘lanadigan jamoat ishlari ishtirokchisi hisoblanmagan mehnatga layoqatli oila a’zosi mavjud bo‘lsa ham tepada ko‘rsatilgan toifalarga qo‘llanilmaydi.
Foydalanilgan manbalar:
- O‘zbekiston Respublikasi Prezidentining 11.08.2021-yildagi PF-6277-sonli «Kam ta’minlangan oilalarga moddiy yordam ko‘rsatish hamda kambag‘allik bilan kurashish ko‘lamini yanada kengaytirish chora-tadbirlari to‘g‘risida»gi Qarori, https://lex.uz/docs/-5572509
- O‘zbekiston Respublikasi Vazirlar Mahkamasining 21.10.2021 yildagi 654-sonli «Aholini ijtimoiy himoya qilish tizimini yanada takomillashtirish chora-tadbirlari to‘g‘risida»gi qarori, https://lex.uz/docs/-5688101
- Kam ta’minlangan oilalarga bolalar nafaqasi va moddiy yordam tayinlashga ariza berish, https://my.gov.uz/oz/service/1017
Bola puliga yanvar oyi boshida mygov orqali topshirdim va reestrga kiritildim. Endi bola puli shu oydan to’lanadimi yoki fevral oyidan boshlabmi? Javob uchun oldindan rahmat
O‘zbekiston Respublikasi Vazirlar mahkamasining «Aholini ijtimoiy himoya qilish tizimini yanada takomillashtirish chora-tadbirlari to‘g‘risida» gi 654-sonli qaroriga muvofiq bolalar nafaqasi quyidagi tartibda to‘lanadi:
Bolalar nafaqasi yoki moddiy yordam AT “Xalq banki”ning tuman (shahar) bo‘limlari (filiallari) orqali naqd pul shaklida yoki pul mablag‘larini naqd pulsiz o‘tkazish yo‘li bilan fuqarolarning bank hisobvaraqlari (plastik kartalari) orqali to‘lanadi.
Bolalar nafaqasi yoki moddiy yordam to‘lovi oyning 4-sanasidan 27-sanasiga qadar amalga oshiriladi.
Xulosa: Bolalar nafaqa puli siz ariza topshirilgan oydan boshlab to‘lanadi ya’ni sizga yanvar va fevral oylari qo‘shilib bitta qilib to‘lanadi. Bola pulini tayinlatish masalasi bo‘yicha batafsil ma’lumot olish maqsadida, o‘zingiz yashayotgan hududdagi «Inson» ijtimoiy xizmatlari markazlariga borib murojaat qilishingiz kerak bo‘ladi.
Asos: O‘zbekiston Respublikasi Vazirlar mahkamasining «Aholini ijtimoiy himoya qilish tizimini yanada takomillashtirish chora-tadbirlari to‘g‘risida» gi 654-sonli qarorining 36-38-42-bandlari.
Kam taminlangan deb topilgan oilaga bola puli beriladimi
Ha, Kam ta’minlangan oila – oilaning har bir a’zosiga jami bir oylik o‘rtacha daromad minimal iste’mol xarajatlari miqdoridan oshmagan oilaga bola puli beriladi. Bola pulini taynlatish masalasi bo‘yicha, o‘zingiz yashayotgan hududdagi «Inson» ijtimoiy xizmatlari markazlariga borib murojaat qilishingiz kerak bo‘ladi. Yoki onlayn arizani Yagona interaktiv davlat xizmatlari portali my.gov.uz orqali berish mumkin va bu xizmatdan foydalanish bepul. Video qo’llanma: https://youtu.be/V4HIzDAWmKY?si=j11jfZWfbbdqZA-X
Assalomu alaykum
Men 4-kurs talabasiman. Erim ishsiz men ham. Qaynotamning nomida moshin bor. Farzandim 1 oylik. Bizga bola puli chiqmaydimi?
Vaalaykum assalom, sizning oilangizga bola puli chiqishi yoki chiqmasligini bilish uchun o‘zingiz yashayotgan hududdagi «Inson» ijtimoiy xizmatlari markazlariga borib murojaat qilishingiz kerak bo‘ladi. Birinchi navbatda, oilangiz kam ta’minlangan oila sifatida yagona ijtimoiy himoyat tizimida e’tirof etilishi kerak. Bu degani har bir oila a’zosiga jami bir oylik o‘rtacha daromad minimal iste’mol xarajatlari miqdoridan oshmagan bo‘lishi kerak. 2025-yil 4-fevraldan boshlab hisoblangan minimal iste’mol xarajatlari qiymati bir oyda kishi boshiga 669 ming so‘mni tashkil etdi.
Yoki onlayn arizani Yagona interaktiv davlat xizmatlari portali my.gov.uz orqali berish mumkin va bu xizmatdan foydalanish bepul. Video qo’llanma: https://youtu.be/V4HIzDAWmKY?si=j11jfZWfbbdqZA-X
Assalomu alaykum meni 4nafar farzandim bor kichigim 3yoshga toʻldi men ishsiz man turmush oʻrtogʻim davlat ishida ishlamaydilar yollanma ishchi deyiladimi ustalarga shogirdlar qishda 3oy ishga chiqishmaydi ish boʻlsa kunlikga chiqib turadilar menga bolalar nafaqasi beriladimi ariza topshirsam boʻladimi
Vaalaykum assalom, sizning oilangizga bola puli chiqishi yoki chiqmasligini bilish uchun o‘zingiz yashayotgan hududdagi «Inson» ijtimoiy xizmatlari markazlariga borib murojaat qilishingiz kerak bo‘ladi. Birinchi navbatda, oilangiz kam ta’minlangan oila sifatida yagona ijtimoiy himoyat tizimida e’tirof etilishi kerak. Bu degani har bir oila a’zosiga jami bir oylik o‘rtacha daromad minimal iste’mol xarajatlari miqdoridan (669 000 so’m) oshmagan bo‘lishi kerak.
my.gov.uz orqali ham onlayn tarzda ariza berib ko‘rsangiz bo‘ladi mana shu havoladagi xizmatdan foydalanib: https://my.gov.uz/uz/service/1017 Va hammasini bilib olasiz.
Assalomu alaykum men yolg’iz onamam 3 nafar farzandim bor 11 yosh 7 yosh 4 yosh ariza topshirsam nechpul nafaqa ajratiladi oldindan raxmat
Vaalaykum assalom, bolalar nafaqasining har oylik miqdori:
325 000 so‘m — yoshi 3 yoshgacha bo‘lgan bir nafar kichik farzand uchun;
250 000 so‘m — 3 yoshdan 18 yoshgacha bo‘lgan bir nafar farzand uchun;
150 000 so‘m — oilaning ikkinchi farzandi uchun qo‘shimcha;
100 000 so‘mdan — oilaning uchinchi va undan keyingi har bir farzandi uchun.
Kam ta’minlangan oilalar uchun moddiy yordamning oylik miqdori – 380 000 so‘m.
Kam ta’minlangan oilalarga bolalar nafaqasi yoki moddiy yordam tayinlash va “Ijtimoiy himoya yagona reestri” ga kirish uchun quyidagi havolaga bosib onlayn tarzda ariza bersangiz bo‘ladi: https://my.gov.uz/uz/service/1017
Assalomu aleykum men yanvar oyida bola puliga ariza berdim rad etildi lekin kam tamillangan oila deb etirof etilibdi fevral oyida yana qayta ariza berdim bola puli chiqadimi 3 ta bolam bor
Assalomu alaykum, bu haqida batafsil ma’lumot olish uchun hududingizda joylashgan «Inson» ijtimoiy xizmatlar markaziga bevosita borib murojaat qilishni tavsiya qilamiz. Nafaqa va yordam masalalari bo‘yicha 1140 qisqa raqamiga ham telefon qilsangiz bo’ladi.
Salom men o’zimni band qildirgandim 2025 yil dekabr oyida 412000 so’m to’ladim oilada 4 kishimiz katta farzandim 3 yarim yosh kichigi 4 oylik katta qizimga minimal harajat hisoblanadimi
2026-yildan boshlab hisoblangan minimal iste’mol xarajatlari qiymati bir oyda kishi boshiga 715 ming so‘mni tashkil etdi. O‘zbekiston Respublikasi Vazirlar Mahkamasining 21.10.2021 yildagi 654-son qaroriga muvofiq, oilaning har bir a’zosiga to‘g‘ri keladigan jami 1 oylik o‘rtacha daromad miqdori minimal iste’mol xarajatlari miqdoridan oshmasa, oila kam ta’minlangan deb e’tirof etiladi. Ya’ni, oilangizning rasmiy daromadi oila a’zolaringiz soniga bo‘linganida kishi boshiga 715 ming so‘mdan oshmasa, demak oilangiz kam ta’minlangan oila hisoblanadi.
Men noyabr oyida 3 ta farxandjm uchun bolalar nafaqasi topshirgandim 7 yosh 5 yosh va 7 oylik farzandlarimga yanvarda esa qabul qilindi 12 yanvarda 641000 som tushti bu 3 ta farzandim uchunmi? lekin bu oy fevral oyi tuwmadi uje oy tugayapti qachon tushishi mumkun yoki toxtatib quyishdimikan
Assalomu alaykum, bu haqida batafsil ma’lumot olish uchun hududingizda joylashgan «Inson» ijtimoiy xizmatlar markaziga bevosita borib murojaat qilishni tavsiya qilamiz. Nafaqa va yordam masalalari bo‘yicha 1140 qisqa raqamiga ham telefon qilsangiz bo’ladi.
Ассалому алайкум, мени 14 ёшли кизим болаликдан ногирон аммо 2025 йилдан июлдан бошлаб расмийлашган. Хозирда кам таъминланган оилалар реестрига кирганман. Энди, бола пулига ариза килдим, шунда 14, 9, 3 ва 1,10 ойлик яъни 4 нафар боламга жами канча микдорда бола пули ажратилади? Ажратилган пул микдори болаларимнинг ёшига караб хар бирига канчадан тугри келади? Агар, сизларда курсатилган микдорга тугри келмаса каерга мурожаат килишим мумкин?
Vaalaykum assalom! Savolingizga javob ushbu maqolamizda ham berilgan. Iltimos batafsil tanishib chiqing:
360 000 so‘m — yoshi 3 yoshgacha bo‘lgan bir nafar kichik farzand uchun;
275 000 so‘m — 3 yoshdan 18 yoshgacha bo‘lgan bir nafar farzand uchun;
165 000 so‘m — oilaning ikkinchi farzandi uchun qo‘shimcha;
110 000 so‘mdan — oilaning uchinchi va undan keyingi har bir farzandi uchun.
Kam ta’minlangan oilalar uchun moddiy yordamning oylik miqdori – 420 000 so‘m.
Qo’shimcha ma’lumot uchun hududingizda joylashgan «Inson» ijtimoiy xizmatlar markaziga bevosita murojaat qilishni tavsiya qilamiz. Nafaqa va yordam masalalari bo‘yicha 1140 qisqa raqamiga telefon qilsangiz ham bo’ladi.
Assalomu alaykum meni 4 nafar farzandim bor 14.13.6.i 1 yarim yosh farzandlarim men my gov uzdan ariza tasshlayapman har safar arizam rad bulib kelyapti rad bulish sababi mahalla 7 ligi urganish imkonyati bulmaganligi sababli rad etildi deb yozilgan mahalla rayisiga tel qilsam men bilmayman meni zimmamda emas diydi mahalla ishtimoiy hodimga tel qisam sizni eriz nogiron emas ishlasin sizlar ishtimoiy rektirga kirmayzizlar diyapti oilaviy sharoitimiz yahshi emas uyimiz virimenka mol holimiz bulmasa erim rassiyaga chiqa olmaydi deporti bor bu erga ish bulib bulmaydi ruzgorimizga etishmaganligi sababli dukonlardan qarizmiz hudoylab uraman bollarimni biron joyi ogrimasin deb dori ukkollar palon pul eshitishimcha qishlogimizni oldi odamni yani qushsha qushsha aptikalari bor odamni bolasi bola puli olar emush men ishtimoiy hodimga shular oladiku nima uchun biz ololmaymiz desam u aydike menga yuqoridan belgilanib keladi deb bu gap qanchalik tugri i yana mahalla yettiligidan utib qandaydir joyga junataymush ular berish bermaslikni belgilaymush men bola puli olishga haqlimanmi yuqmi i mahalla 7ligiga kimlar kiradi bularni ustidan chora kurish imkoniyati bormi kambagol odamlarga yordam bermay uzini kistasini qappaytiryapti
Vaalaykum assalom, 1140 va 1146 ishonch raqamlari orqali shikoyat va takliflaringizni Ijtimoiy himoya milliy agentligiga bersangiz boʻladi. Shuningdek, ariza, shikoyat va iltimoslaringizni «Jismoniy va yuridik shaxslarning murojaatlari to‘g‘risida»gi Qonun talablariga asosan qoldirsangiz biz alohida ko‘rib chiqamiz.
Ariza yoki shikoyat xatlarida quyidagilar bo‘lishi lozim:
F.I.Sh.;
manzil;
qisqacha va tushunarli masala;
telefon raqamingiz (bog‘lanish uchun).
Murojaatlaringizni quyidagi manbaalar orqali ham bizga yollashingiz mumkin: O‘zbekiston, Toshkent sh, Mirobod tumani, Yangizamon ko‘chasi, 1-uy
(0371) – 239-59-22
(0371) – 202-06-00
(0371) – 239-59-23
E-mail: info@ihma.uz; ihma@exat.uz