Asosiy mazmunga oʻtish
Ortga

Nogironligi bo‘lgan ayollar uchun ayollar daftaridagi imtiyozlar

  • Matnli format
  • Video format
  • Oson matn

Bu maqolada sen ayollar daftaridagi imtiyozlar haqida bilib olasan.

Ayollar daftari – bu 30 yoshdan katta pulga muhtoj, kasb va bilim o‘rganishga qiziqadigan  ayollarga yordam beradigan, nazorat qiladigan tizim.

Ayollar daftariga kirish uchun sen:

  • Ishsiz bo‘lishing
  • doimiy daromadga ega bo‘lmasliging
  • boquvchisiz bo‘lishing
  • ruhiy kasal bo‘lishing
  • birinchi, ikkinchi guruh nogironi bo‘lishing
  • sud qarori bilan yordamga muhtoj deb topilgan bo‘lishing
  • ajrashgan bo‘lishing
  • yolg‘iz ona bo‘lishing kerak.

Qonunga ko‘ra sen:

  • boquvching vafot etgan bo‘lsa

nogironlik sababli ishlay olmasang boquvchisini yo‘qotganlik pensiyasini olishing mumkin.

Masalan:

  • Sening otang, onang yoki turmush o‘rtog‘ing vafot etgan bo‘lsa sen boquvchingni yo‘qotgan bo‘lasan.
  • Bu holatda sen, nogironlik pensiyasini ham boquvchisini yo‘qotganlik pensiyasini olishing mumkin.

Hozirgi kunda nogironlik pensiyasi  – 800 000 (sakkiz yuz ming) so‘m. 

Boquvchisini yo‘qotganlik pensiyasi:

  • oilada ishlamaydigan bitta inson uchun 608 000 (olti yuz sakkiz ming) so‘mdan
  • oilada ishlamaydigan boshqa insonlar uchun 212 000 (ikki yuz o‘n ikki ming) so‘mdan beriladi.

Misol uchun: Sen boquvchisiz nogironligi bor ayol bo‘lsang, sening 18 ga kirmagan ikkita farzanding bo‘lsa:

  • bitta farzanding uchun 608 000 (olti yuz sakkiz ming) so‘mdan
  • ikkinchi farzanding uchun 212 000 (ikki yuz o‘n ikki ming) so‘mdan boquvchisini yo‘qotganlik pensiyasi beriladi.

Sen boquvchisi yo‘q nogironligi bor ayol bo‘lsang:

  • davlatdan 3 ta farzanding uchun – 1 030 000 (bir million o‘ttiz ming) so‘m pensiya olasan.

Yolg‘iz ona – bu ZAGSi yo‘q ayollar va bolasining tug‘ilganlik  guvohnomasida yoki sud qarorida bola otasi ko‘rsatilmagan ayollar.

Sen turmush o‘rtog‘ing bilan qonuniy ajrashgan bo‘lsang, bolangni yolg‘iz o‘zing boqayotgan bo‘lsang ayollar “Ayollar daftari”ga kiritilasan.

Senda ruhiy kasallik bo‘lsa, “Ayollar daftari”ga kirish uchun:

  • qonuniy vakiling bilan birga ariza va nogironlik hujjatingni xotin-qizlar raisiga berasan.

Senda nogironlik bo‘lsa “Ayollar daftari”ga kirish uchun:

xotin-qizlar raisiga ariza bilan murojaat qilasan.

Mahalla xotin-qizlar raisi seni:

  • oilaviy – moddiy holating
  • ijtimoiy holating to‘g‘ri kelsa, ayollar daftariga kiritadi.

Sening oilaviy sharoiting o‘rganilganda:

  • oylik puling eng kam ish haqidan kam bo‘lmasa
  • yashash sharoiting o‘rtacha bo‘lsa, arizang rad qilinadi.

Senga arizang nima uchun rad qilingani haqida xotin-qizlar raisi tushuntiradi.

“Ayollar daftari” ro‘yxatiga kirish bo‘yicha arizang sababsiz rad qilinsa, sen xotin-qizlar raisini sudga berishing mumkin.

Sen “Ayollar daftari”ga kirsang:

  • tadbirkorlik qilish uchun imtiyozli kredit olishing
  • uyingni davlat tomonidan ta’mirlatishing
  • bir yilda bir martalik pul yordami olishing mumkin.

Kredit – bu bankdan qarzga olingan pulni qanchadir vaqt ichida foiz bilan qaytarish.

Sen bir martalik pul yordami olishing uchun ariza berishing shart emas.

2023-yil uchun ayollarga berilgan bir martalik yordam puli – 900 000 (to‘qqiz yuz ming) so‘m bo‘lgan.

Uyingni davlat tomonidan ta’mirlab berish uchun sening uyingni holatini  ishchi guruh va  mutaxassislar o‘rganadi.

Uyingni ta’mirlash uchun kerakli qurilish buyumlari ro‘yxati tuziladi va “Ayollar daftari” jamg‘armasiga beriladi.

Sening uyingni ta’mirlash uchun “Ayollar daftari” bazaviy hisoblash miqdorining 30 baravarigacha (10 200 000 – o‘n million ikki yuz ming so‘m) pul ajratadi.

Hozirda 1 bazaviy hisoblash miqdori – 340 000 (uch yuz qirq ming) so‘m.

Uy-joyni ta’mirlatish uchun oilangdan bir kishida yoki senda nogironlik hujjati bo‘lishi kerak.

Uy-joyini davlat tomonidan ta’mirlatish uchun oila oylik daromadi  past oila deb belgilangan bo‘lishi kerak.

Sen uyingni davlat tomonidan ta’mirlatishing uchun xotin-qizlar raisiga ariza bilan murojaat qilishing kerak.

Sen tadbirkorlik qilishda bankdan pul olish uchun mahalla xotin-qizlar raisi yordamchisiga ariza bilan murojaat qilishing kerak.

Xotin-qizlar raisi yordamchisi, hokim yordamchisi bilan birga tadbirkorlik uchun bankdan pul olish masalasini o‘rganib, 10 kunda senga ariza javobini aytishi shart.

Sen kasb o‘rganganliging haqidagi sertifikat bilan 33 (o‘ttiz uch) million  so‘mgacha bankdan pul olishing mumkin.

Seni “Ayollar daftari”dan chiqaradigan holatlar:

  • senga har bir yordam turi bo‘yicha amaliy yordam berilganda
  • o‘zing daftardan chiqish uchun ariza yozganingda
  • “Ayollar daftari”ga noqonuniy kiritilganingda
  • boshqa davlatga yashash uchun chiqib ketganingda
  • sudlanib qamalganingda

“Nogironligi bo‘lgan ayollar uchun ayollar daftaridagi imtiyozlar” ga 58 ta javob

  1. Ассалаума алейкум!айёллар дафтарида булган 2-гурух ногиронлиги бор айёлга бир марталик ёрдам берилса бола нафақаси тухтатиладими?

    • ассалому алайкум. бир маротабалик моддий ёрдам олганингиз учун бола нафақаси тўхтатилмайди. масалани иккинчи томони ҳам бор. сизни аёллар дафтари рўйхатига киритишганида, сизга кўрсатилиши керак бўлган ёрдамлар рўйхати дастур бўйича тасдиқланади. дастурда белгиланган ёрдамлар сизга кўрсатиб бўлинган бўлса, сизни автоматик равишда ногиронлиги бўлган шахс бўлсангиз ҳам аёллар дафтари рўйхатидан чиқариб юборишади. лекин бир маротабалик моддий ёрдам олишингиз бола нафақаси олишингизга таъсир қилмайди. саломат бўлинг.

  2. Assalomu alekum meni ayam ayollar daftarida turadilarda yaqinda ayam moddiy yordam so‘rab maxallaga chiqdilar yaqinda keladi pul dedida annig‘ini aytmadi pulga muxtoj edik qaysi turiga qarab yordam puli beriladi raxmat javobini kutib qolaman.bizga bu pul kerak edida rossayam

  3. Mening birinchi guruh nogironligi bor farzandim bor 28yosh ishga yaroqsiz
    Men qoramol boqib daromad qilish maqsadida subsidiya qanday olsam boladi

  4. Men 2-chi gurux nogironiman 1-yil bulayabdi ayollar daftaridaman lekin hech qanday yordam yuq

  5. Биринчи марта мурожаат килябман

    Мен 2 гурух ногирони . Карамогимда Ота онаси йук болаликдан ногирон жияним менинг карамогимда.
    Аммо 2 йилдан буён махалладан хеч кандай имтиёзлар берилмаган.
    Укиш учун кредит пулини тулаб беришни мурожаат килганман аммо натижа йук.
    Бу канчалик тугри? Ё нотугри

    • Ассалому алайкум. маҳалла томонидан сизга ёрдам берилиши учун сиз аёллар дафтарида туришингиз керак бўлади. ўқиш учун тўлов контракт пулини 50 фоизи миқдорида тўлаб берилиши учун сизни жиянингиз ёшлар дафтарида рўйхатда туриши шарт. аёллар дафтари рўйхатига кириш учун сиз хотин қизлар ишлари бўйича маҳалла раиси номига ариза билан мурожаат қилишингиз керак бўлади. ёшлар дафтарига кириш бўйича эса, ёшлар ишлари бўйича йетакчи номига ариза билан мурожаат қилиш керак. айтмоқчи бўлганим, бугунги кунда, ёшлар, аёллар дафтарида турмасдан туриб, маҳалладан бирор бир ижтимоий ёрдам олиш қийин масала. саломат бўлинг.

  6. Assalomalekum 2 grux nogroniman yoshim39 da kasaligim tufayli bu yil 2 grux nogronligni oldim onam 70 yowda akam bolari bn bir uyda yaxshaymiz ruzğorimiz bólak oilaviy keliwmovchilik bor uzimga aloxda ruzğor qilaman aloxda xona ajratilgan menga oziq ovqat beriladimi davlat tomonidan ajrashganman farzandim yuq qonuniy ajrashganman shunga aniq javob bersalariz

    • 2-guruh nogironi deb e’tirof etilgan bo‘lsangiz, sizga 800 000 so‘m miqdorida har oyda pensiya to‘lanadi. Bu qonunda ijtimoiy nafaqa deb yuritiladi. Alohida holda har oyda oziq-ovqat olish maqsadida sizga davlat tomonidan biror bir yordam ajratilishi qonunda belgilanmagan. Shunga qaramasdan siz ijtimoiy himoyaga muhtoj shaxs sifatida agar mahallaga murojaat qilsangiz davlat tomonidan har 6 oyda bir marotaba moddiy yordam olishingiz mumkin.Moddiy yordam olish miqdori Moliya vazirligi tomonidan belgilanadi. “Ayollar daftari” ga kirsangiz sizni kasbga o‘qitish va boshqa imtiyozlar belgilangan. Bu imtiyozlar uchun bizning maqolamiz orqali bilishimiz mumkin.

  7. 15 май 2024 йил. 12:58

    Ассалому алайкум, таълим тизимида 30 йиллик фаолиятим бор, 2023 йил соғлигим ёмонлашганлиги сабабли ll гуруҳ ногиронлиги берилди, турмуш ўртоғим билан ажрашганман. Вояга етмаган ( 2007 йилда туғилган) бир нафар фарзандим учун бола нафақаси олиш ҳуқуқига эгаманми, агар шу ҳуқуқим бўлса аризани онлайн топшира оламанми? Жавоб учун олдиндан рахмат.

    • Assalomu alaykum

      Bola puli qonunchilikka ko‘ra, kam ta’minlangan oilalarga taqdim etiladi. Bola pul olish bo‘yicha shaxs o‘zi yashayotgan mahalla raisi nomiga ariza bilan murojaat qilishi lozim. Shuningdek, fuqarolar bola puli uchun onlayn shaklda my.gov.uz vebsayti orqali ariza bilan murojaat qilishi mumkin. Siz ham onlayn murojaat qilish huquqiga egasiz.

      Hozirda bolalar nafaqasi miqdori oilada uch yoshgacha bo‘lgan bir bola uchun 325 000 so‘m. Eng birinchi farzand uch yoshdan katta bo‘lsa, unga 250 000 so‘m to‘lanadi. Keyingi ikkinchi farzandlarga ikki holatda ham 150 000 so‘mdan beriladi. Keyingi farzandlarning har biri uchun 100 000 so‘mdan qo‘shib ketilaveradi.

      Bola puli uchun berilgan ariza quyidagi holatlarda rad etiladi:

      1)oila umumiy daromadi jon boshiga hisoblanganda, 621000 ming so‘mdan oshib ketsa;

      2)oilada oxirgi 7 yillikda ishlab chiqarilgan avtotransport vositasi bo‘lsa;

      3)oila a’zolarining nomida ikki yoki undan ortiq ko‘chmas mulk bo‘lsa;

      4)shaxs o‘zini o‘zi band qilmagan bo‘lsa;

Fikr qoldiring

Email manzilingiz chop etilmaydi. Majburiy bandlar * bilan belgilangan

Ushbu maqola sizga foydali bo‘ldimi? Biz, HuquqPlus.uz jamoasi, har kuni murakkab huquqiy ma’lumotlarni barcha uchun sodda va tushunarli qilish ustida ishlaymiz. Faoliyatimizni o‘zingiz istagan miqdordagi mablag‘ bilan qo‘llab-quvvatlang — bu bizga yangi maqolalar tayyorlash va nogironligi bo‘lgan shaxslar huquqlarini himoya qilishda davom etishimizga yordam beradi.

Xayriya miqdori
to‘lov usuli