Asosiy mazmunga oʻtish
Ortga

Temiryo‘l transportida nogironligi bo‘lgan yo‘lovchilar uchun imtiyozlar

  • Matnli format
  • Video format
  • Oson matn

Bu maqolada  poyezddan foydalanishda sen uchun qanday imtiyozlar borligi haqida bilib olasan.

Vazirlar Mahkamasining 109-sonli qaroriga ko‘ra, vokzallarda sen uchun maxsus chipta kassalari ajratiladi.

Sen uchun ajratilgan maxsus chipta kassalari  faqat chipta oluvchilar ko‘p bo‘lganda ishlaydi.

Sen:

  • urushda nogiron bo‘lib qolgan bo‘lsang
  • urushda qatnashgan bo‘lsang
  • Chernobil AESdagi avariya oqibatlarini bartaraf etishda qatnashgan bo‘lsang  navbatsiz chipta olishing mumkin.

Poyezdlarda joylar:

  • o‘rindiqli
  • kupeli
  • platskartli bo‘ladi.

Agar sen kupe yoki platskartda ketadigan bo‘lsang:

  • chipta olayotganingda nogironlik hujjatingni kassa ishchisiga ko‘rsatib  pastki o‘rindan  joy olishing mumkin.

Sen yotoq joyingni mustaqil to‘shay olmasang  poyezd ishchilari joyingni to‘shab berishlari shart.

Poyezd buzilib qolsa yoki vagonlar ajratilsa, seni boshqa poyezddagi bo‘sh joyga o‘tkazishlari shart.

Agar bo‘sh joy faqat yuqori toifadagi vagonlarda bo‘lsa ham seni bo‘sh joyga o‘tkazishlari shart.

Yuqori toifadagi joy – bu poyezddagi biznes klass joylar. Ya’ni narxi qimmat, sharoiti yaxshi bo‘lgan vagonlar.

Sen bu imtiyozdan faqatgina chiptangga mos bo‘sh joy qolmaganda foydalanishing mumkin.

Vazirlar Mahkamasining 109-sonli qarorining 152-bandiga ko‘ra ba’zi insonlar 1 yilda 1 marta poyezddan  borib va kelish uchun bepul foydalanishi mumkin. 

1 yilda 1 marta poyezdlardan bepul foydalanuvchilar:

  • yarador bo‘lgan harbiy xizmatchilar, ishchilar
  • urush sababli birinchi va ikkinchi guruh nogironligi bor xizmatchilar
  • Chernobil AESdagi avariyani bartaraf etishda nogiron bo‘lganlar (O‘zbekiston hududida)
  • o‘zgalar parvarishiga muhtoj keksalar va nogironligi bor insonlar, ularga yordam beruvchi insonlar.
  • urush sababli uchinchi guruh nogironi bo‘lgan insonlar
  • urush qatnashchilari va ularga tenglashtirilgan insonlar 1 yilda 1 marta poyezd chipta narxining yarmini to‘lash imkonini beruvchi talonlardan foydalanishi mumkin.

Agar senda uchinchi guruh nogironligi bor bo‘lsa:

  • O‘tgan yilgi yoki keyingi yilgi poyezd chiptasini yarmini to‘lash imkoniyatingdan foydalanmagan bo‘lsang.
  • Sen talon olayotganingda o‘tgan yilgi yoki keyingi yilgi chipta narxini yarmini to‘lash imkoniyatingdan hozir foydalanishni xohlasang  senga bir martalik bepul borib kelish chiptasi berishadi.

Urush sababli birinchi guruh nogironi bo‘lgan insonlarga qaraydigan bitta yordamchiga 1 yilda bir marta poyezdda borib kelishga 50 foizlik chegirma beriladi.

Sen imtiyozli chipta olish uchun chipta kassasiga chegirma olish huquqini beradigan hujjatlarni berishing kerak.

Chegirma olish huquqini beradigan hujjatlar:

  • Urush sababli nogironligi bo‘lgan inson guvohnomasi
  • Urush qatnashchisi guvohnomasi
  • Nogironlikni tasdiqlovchi guvohnoma
  • Imtiyoz huquqini beruvchi boshqa hujjatlar
  • Inson markazining o‘zgalar parvarishiga muhtoj  yolg‘iz keksalar va nogironligi bor insonlarni reyestrga kiritish haqidagi qarori.

Sen nogironlik aravachasidan foydalansang  poyezd ishchisi aravachangni joylashtirishga yordam beradi.

“Temiryo‘l transportida nogironligi bo‘lgan yo‘lovchilar uchun imtiyozlar” ga 38 ta javob

  1. Денов вагзалига бир хафта катнашдим узим 2 гурух ногирониман 4 йошли угилчамхам ногирон бу имтийоздан фойдаланишимга сураганимга бунака гап йук оролга бу имтийозлар берилган дейишди пулимга йеланиб бакавойдан тепакисмидан билет беришди болам билан онасига биз конунни билишимиз билан амалда бажарилмайдку…!

    • Assalomu alaykum! Bunday imtiyoz yo‘q deb javob berish mutlaqo noto‘g‘ri hisoblanadi. Imtiyoz mavjudligini asoslovchi Vazirlar Mahkamasining 109 – sonli qarori mavjud. Ushbu qarorda belgilangan mezonlarga sizning holatingiz mos bo‘lsa, albatta beriladi. Umuman bunaqa gap yo‘q deyishi asossizdir. Agar shunday holatlar takrorlansa, Transport prokuraturasiga yoki Transport vazirligining ishonch raqamlariga aloqaga chiqishingiz lozim bo‘ladi.

    • Assalomu alaykum

      Qonunlar ishlashi uchun uni talab qila olishimiz lozim. Siz ushbu holat yuzasidan Transport Prokuraturasiga yoki Transport vazirligiga murojaat qiling.

      O‘zbekiston Respublikasi Transport Prokuraturasining telefon raqami : +998 712339119. Transport vazirligining ishonch telefon raqami: 1167

  2. Рахмат каттакон транспорт пракратураси,ва транспорт вазирлигини ишонч номерларини берсаиз олдиндан рахмат … хар 2 ойда тошкент катнайди угилчам тузалмас касал / DSP / бу гал ас котар

    • Assalomu alaykum.
      O‘zbekiston Respublikasi Transport Prokuraturasining telefon raqami : +998 712339119. Transport vazirligining ishonch telefon raqami: 1167.

  3. Assalomu alaykum
    Temir yòl vokzaliga qòng’iroq qilib sòralganda hech qanday imtiyoz mavjud emas, faqat Xorazm va Qoraqalpoq fuqarolariga imtiyoz bor, deyishdi. Vazirlar mahkamasining qarori bòlsa, nega nazorat qilinmaydi? Bechora xalq nega òz imtiyozini ololmay sarson?

    • Assalomu alaykum.
      Siz bu haqida Transport prokuraturasi va Transport vazirligiga xabar bering.

      O‘zbekiston Respublikasi Transport Prokuraturasining telefon raqami : +998 712339119. Transport vazirligining ishonch telefon raqami: 1167

      Agar shunda ham ushbu imtiyozdan foydalanishingizda muammolar yuzaga kelsa, bizga ism-familiya va telefon raqamingizni qoldiring. Biz sizga yuridik yordam beramiz.

  4. Ассалому алейкум мени углим 14 ёшда 2 гурух ногирони ДСП . Мен Сурхондарё вилояти Сариосиё туманиданман. Углимни даволатиш учун тез-тез Тошкентга олиб бораман. Якинда хайитдан кейин яна бораман. Мен хам узимиздан, Тошкентдан билет олганчаям 50% килиб беинглар десам факат имтиёз 1 гурухлар учун сиз 100% га олсиз деб жавоб беришган. 1 йилда шунака имтиёздан фойдалансак бизгаям харна булардида

    • Vazirlar Mahkamasining 109-sonli qarorining 152-bandiga asosan, o‘zgalar parvarishiga muhtoj bo‘lgan nogironligi bo‘lgan shaxslar va ularni kuzatib borayotgan shaxs poyezdlarda yilda bir marotaba tekin (borish-kelish) yurishlari mumkin. Agar farzandingiz o‘zini eplay olmaydigan darajada imkoniyatlari cheklangan bo‘lsa, sizga ham hamroh sifatida tekin bilet taqdim etilishi kerak, aks holda temiryo‘l kassa xodimlarining harakatlari noto‘g‘ri hisoblanadi. Agar siz bilan huquqshunoslarimiz bog‘lanishini va muammongizni hal qilishda yordam berishimizni xohlasangiz sayt orqali ism-familiya va telefon raqam qoldiring.

  5. Assalomu Aleykôm meni 11 yoshli farzandim bor u aravachada ôzini eplay olmaydi men uni Surxandaryoga etmoqchi edim xech bôlmaganda ôğlimga imtiyoz bormi

    • Bizning fikrimizcha, farzandingiz yilda bir marotaba bepul bilet olish huquqiga ega deb hisoblaymiz, chunki Vazirlar Mahkamasining 109-sonli qarorida «O‘zgalar parvarishiga muhtoj nogironligi bo‘lgan shaxslar» nazarda tutilgan. Farzandingiz aravacha bilan harakatlanishi o‘zgalar parvarishiga muhtoj ekanligidan dalolat beradi, shuningdek, siz ham farzandingizga hamroh bo‘lib yilda bir marotaba bepul chipta (borish va kelishga) olishingiz mumkin.

  6. Assalomu Aleykôm meni 11 yoshli farzandim bor u aravachada ôzini eplay olmaydi men uni Surxandaryoga etmoqchi edim xech bôlmaganda ôğlimga imtiyoz bormi iltimos javobini yozing

  7. Assalomu aleykum Men 4-guruh nogironiman Chiptalar (borish kelish) menda qanday chegirmalar bot Javob uchun oldindan rahmat

  8. Assalamu alaykum. 2- gruh nogironligim bor Qoraqalpog’istonda yashayman. Toshkentga kelgandim Samarqandga sanatoriyaga bormoqchi edim chegirma faqat Nukusga qaytganda yo’ki Nukusdan biror joyga borganda temir yo’l chiptalariga 50% chegirma bilan xarid qila olasiz dedi kassadagilar. Toshkent – Samarqand yonalishiga chegirma yo’q sizda dedilar bu tog’rimi?

    • Yo‘q, bu noqonuniy. Siz Samarqandgacha biletni imtiyozli asosda olishingiz mumkin. Lekin siz yiliga bir marta (borish va kelishga) imtiyozli ravishda chipta ololasiz.

Fikr qoldiring

Email manzilingiz chop etilmaydi. Majburiy bandlar * bilan belgilangan

Ushbu maqola sizga foydali bo‘ldimi? Biz, HuquqPlus.uz jamoasi, har kuni murakkab huquqiy ma’lumotlarni barcha uchun sodda va tushunarli qilish ustida ishlaymiz. Faoliyatimizni o‘zingiz istagan miqdordagi mablag‘ bilan qo‘llab-quvvatlang — bu bizga yangi maqolalar tayyorlash va nogironligi bo‘lgan shaxslar huquqlarini himoya qilishda davom etishimizga yordam beradi.

Xayriya miqdori
to‘lov usuli