

Agar nogironligi bor shaxs bir vaqtning o‘zida “Ijtimoiy himoya” yagona reyestri axborot tizimida kam ta’minlangan shaxs deb e’tirof etilgan bo‘lsa, O‘zbekiston Respublikasining 2023-yil 16-iyundagi “Davlat hisobidan yuridik yordam ko‘rsatish to‘g‘risida” gi 848-sonli qonunining 9-moddasiga asosan davlat hisobidan yuridik yordam olish huquqiga ega bo‘ladi.
Bu holatda murojaat qilgan shaxs fuqarolik ishlari bo‘yicha da’vogar yoki javobgar, ma’muriy ishlar bo‘yicha arizachi, ma’muriy qamoq tarzidagi ma’muriy jazo nazarda tutilgan ma’muriy huquqbuzarlikni sodir etgan shaxs, jinoyat ishlari bo‘yicha gumon qilinuvchi, ayblanuvchi, sudlanuvchi shuningdek mahkum bo‘lgan sifatida ishtirok etayotgan bo‘lishi va unga davlat hisobidan bepul advokat jalb etiladi.
Davlat hisobidan yuridik yordam olish istagida bo‘lgan yuqoridagi shaxslar doimiy (vaqtincha) ro‘yxatdan o‘tgan joyidan qat’i nazar istalgan hududdagi vakolatli davlat organiga (Adliya vazirligi va uning hududiy bo‘limlariga) og‘zaki, yozma yoki elektron shaklda murojaat qilishlari talab etiladi.
Agar nogironligi bor shaxs “Ijtimoiy himoya” yagona reyestri axborot tizimida kam ta’minlangan shaxs sifatida qayd etilmagan, ammo unda ruhiy holati buzilishi bor bo‘lib, unga psixiatriya yordami ko‘rsatilayotgan bo‘lsa ham davlat tomonidan bepul yuridik yordam ko‘rsatiladi. Shaxs ruhiy holatining O‘zbekiston Respublikasida amalda bo‘lgan xalqaro kasalliklar tasnifiga muvofiq tan olingan o‘zgarishi ruhiy holat buzilishi deb topiladi.
O‘zbekiston Respublikasi Jinoyat-protsessual kodeksi 51-moddasiga muvofiq ko‘rish, eshitish va nutq a’zolari faoliyati bilan bog‘liq jismoniy nuqsoni yoki ruhiy holati buzilgan nogironligi bor shaxslar sog‘ligidagi muammolari sababli jinoyat ishi yuzasidan o‘zini o‘zi himoya qilish huquqini amalga oshirishda to‘siqlarga duch kelgan taqdirda bepul yuridik yordam ko‘rsatiladi.
Ha, “Madad” NNT tomonidan ko‘rsatiladigan yordamlar bepul, ushbu tashkilotning yuridik yordamidan foydalanishning 3 xil yo‘li bor;
-
“Madad” NNT ning hududiy byurolariga shaxsan kelgan holda (Ushbu huquqiy byurolar manzillari bilan quyidagi havola orqali tanishish mumkin https://advice.uz/oz/offices)
-
Internet tarmog‘ida mavjud “advice.uz” (https://advice.uz/oz) portal orqali o‘z savollariga javob topishlari mumkin. Ushbu portaldan foydalanish uchun telefon raqam orqali ro‘yxatdan o‘tish talab etiladi. Shu bilan birga, ko‘p berilgan savollarga javoblarni o‘qish uchun ro‘yxatdan o‘tish talab etilmaydi. Sayt interfeysida maxsus imkoniyatlar bo‘limida shrift o‘lchami va ko‘rinishni o‘zgartirish imkoniyati mavjud.
-
Savollarni yozma tarzda yuborish imkoni bo‘lmasa “Madad” NNTning bosh bo‘limiga (0371) 256-52-53 telefoni orqali qo‘ng‘iroq qilish imkoniyati mavjud.
Quyida siz bepul huquqiy yordam ko‘rsatadigan tashkilotlar bilan tanishishingiz mumkin.

Ha, mavjud.
Toshkent davlat yuridik universiteti yuridik klinikasi fuqarolarni haftaning dushanbadan jumagacha soat 10:00 dan 15:00 gacha (Toshkent shahri, Yunusobod tumani, Sayilgoh ko‘chasi, 35-uy, TDYU 1-o‘quv binosi, 124-xona manzili bo‘yicha) qabul qiladi. Kelish imkoniyati bo‘lmagan shaxslar o‘z murojaatlarini Telegram messenjeri orqali @TDYU_Yuridik_klinika_bot ga o‘z murojaatlarini yuborishlari yoki +998 (71) 233-66-36, 1114 (ichki) telefoni orqali bog‘lanishlari mumkin.
JIDU qoshidagi yuridik klinika 2000-yildan buyon faoliyat ko‘rsatib kelmoqda. Huquqiy yordam fuqarolik, meros, oilaviy, mehnat, uy-joy va boshqa masalalar bo‘yicha maslahatlar va tegishli sud va suddan tashqari hujjatlar (arizalar, murojaatlar, shikoyatlar va boshqalar) tayyorlash shaklida ko‘rsatiladi. Yuridik klinikaga qabul (Mustaqillik shoh ko‘chasi 54, JIDU A-o‘quv binosi manzili bo‘yicha) dushanbadan jumagacha 16:00 dan 19:00 gacha amalga oshiriladi. Shuningdek, +99 871 268 14 -21, (71) 267-16-15 telefon raqamlari orqali yuridik klinika a’zolari bilan bog‘lanish mumkin.
Siz Huquq+ (@huquqplus_bot) Telegram botimizga o‘zingizni qiynayotgan huquqiy muammongizni yuborishingiz mumkin. Bizning malakali huquqshunoslarimiz masalani o‘rganib chiqib sizga javob beradi.
Shuningdek, siz bizning huquqplus.uz veb-portalimizda ham o‘z murojaatingizni qoldirsangiz bo‘ladi. Shuningdek, koll-markaziga telefon qilib, malakali yuristlarimizdan bepul huquqiy maslahat olishingiz mumkin.
☎️ Buning uchun +998 (55) 500-50-60 raqamiga telefon qilib, o’zingizga kerakli tilni tanlagach (o’zbek/rus), 3 raqamini bosasiz. Shundan so’ng huquqshunosimiz bilan aloqa o’rnatiladi va o’z savolingizni berishingiz mumkin.
❗Faqat ish kunlari (dushanba-juma) soat 9:00 dan 17:00 gacha sizlarga xizmat ko‘rsatamiz.
Uzim uchun
Assalomu alaykum
Sizda qanday huquqiy muammo bor?
Iltimos, +998 (90) 358-50-60 raqamiga telefon qiling. Yuristimiz sizdagi masalani yechishda yordam beradi.