Asosiy mazmunga oʻtish
Ortga

Bolalarga nogironlikni rasmiylashtirish tartibi qanday?

  • Matnli format
  • Video format
  • Oson matn

Bu maqolada sen bolalarga nogironlikni rasmiylashtirish tartibi haqida bilib olasan.

«Nogironligi bo‘lgan shaxslarning huquqlari to‘g‘risida»gi Qonunining 3-moddasida “nogironligi bor bola” so‘zi kiritilgan.

Nogironligi bor bola — bu:

  • jismoniy
  • aqliy
  • sezgi yoki ruhiy kasalligi bor
  • yashashda davlat va boshqalarning yordamiga muhtoj 18 yoshgacha bo‘lgan bolalar.

Vazirlar Mahkamasining qarori bilan, 18 yoshgacha bo‘lgan bolalarga nogironlikni Pediatriya tibbiy-ijtimoiy ekspertiza komissiyasi belgilaydi.

Pediatriya tibbiy-ijtimoiy ekspert komissiyasi – bu  bolalar shifokorlaridan tuzilgan shifokorlar guruhi.

Sen nogironligi bor bolaning:

  • sog‘ligi og‘irlashsa
  • jarohatlansa
  • qaysidir tana a’zosining ishlashi buzilsanogironlikni qayta belgilash uchun yashash joyingdagi shifoxonaga (poliklinikaga) murojaat qilishing mumkin.

Murojaat qilganingdan keyin 5 kun ichida nogironligi aniq ko‘rinib turgan bolalarni shifokorlar tekshiruvlarsiz  bolalar shifokorlari guruhiga yuboradi.

Bolalar shifokorlari guruhi nogironligi bor bolani bepul tekshiradi.

Bolada nogironlik belgisi aniq ko‘rinmasa va shifokor tekshiruvidan o‘tkazish kerak bo‘lsa, senga 2 kunda telefon orqali xabar beriladi.

Sen bolani shifokor tekshiruvidan o‘tkazishing uchun kerak bo‘ladigan hujjatlar:

  • tug‘ilganlik haqidagi guvohnoma (metrika)
  • ota – ona yoki qonuniy vakilning pasporti
  • poliklinika yo‘llanmasidan nusxa
  • kasallik haqida yig‘ilgan hujjatlardan nusxa

Qonuniy vakil – bu nogironligi bor bolaga har doim qaraydigan va uning nomidan qonuniy ishlarni bajaradigan inson.

Shifokorlar guruhi bolaga nogironlik belgilasa, o‘sha paytning o‘zida nogironlik hujjatini nogironligi bor bolaga yoki uning vakiliga beradi.

Nogironlik belgilangani haqida shu kuni Pensiya jamg‘armasiga internet orqali xabar yuboriladi.

Bola tekshirilganda kasallik yengil bo‘lsa nogironlik belgilanmaydi.

Yengil kasalligi bor bola:

  • uchinchi yoki to‘rtinchi salomatlik guruhiga kiritiladi va yashaydigan joyidagi shifokorlar tomonidan nazoratda bo‘ladi.

18 yoshgacha bo‘lgan bolalar tana a’zolarida o‘rta va kuchli o‘zgarish aniqlansa nogironlik belgilanadi.

OIV va kam uchraydigan xavfli kasalligi bor 18 yoshgacha bo‘lgan bolada kasallik qaysi bosqichda bo‘lsa ham nogironlik belgilanadi.

OIV – bu  Orttirilgan Immunitet tanqisligi Virusi kasalligi.

18 yoshgacha bo‘lgan bolalarga nogironlik:

  • 1 yil,
  • 2 yil
  • yoki 18 yoshgacha bo‘lgan muddatlarga belgilanadi.

Belgilangan vaqt tugagach bolani qayta ko‘rikdan o‘tkazish zarur.

Kasalligi tezda tuzalib,hayotga moslashishda qiyinchilik bo‘ladigan 18 yoshgacha bo‘lgan bolalarga 1 yillik nogironlik belgilanadi.

Masalan:

  • Bola tug‘ilganda miyasi jarohatlandi.
  • Bu jarohatni to‘liq davolash uchun 4 oy vaqt kerak bo‘ladi.
  • Bunda bolaga 1 yillik nogironlik belgilanadi.

Bolaning tana a’zolari kuchli darajada buzilgan, o‘zgalar yordamiga muhtoj lekin tuzalishi mumkin bo‘lsa, nogironlik  2 yilga belgilanadi.

Masalan:

  • Bola tug‘ilganda asab kasalligi bilan tug‘ildi.
  • Bolaning davolanib sog‘lom bo‘lishi uchun 6 oy va undan ko‘proq vaqt kerak.
  • Bunda nogironlik 2 yilga belgilanadi.
  • O‘ziga-o‘zi xizmat qilolmaydigan
  • davolansa ham sog‘ligi tuzalmaydigan
  • o‘zgalar yordamiga muhtoj bolalarga nogironlik 18 yoshgacha belgilanadi.

Sen nogironligi bor bolani tekshiruvdan o‘tkazish uchun murojaat qilganingda shifokorlar bolaning barcha ma’lumotlarini to‘plashadi.

To‘plangan ma’lumotlar bolaning keyingi tekshiruvlari uchun ham saqlanadi.

Nogironligi bor bola qayta shifokor tekshiruvidan o‘tishi kerak bo‘lganda, tekshiruvdan 1 oy oldin shifokorlar guruhi (TIEK) xabar beradi.

Xabar telefon orqali yoki poliklinika shifokorlari tomonidan beriladi.

“Bolalarga nogironlikni rasmiylashtirish tartibi qanday?” ga 2 ta javob

    • Assalomu alaykum

      Siz agar farzandingizga nogironlik belgilatish niyatida bo‘lsangiz siz biriktirilgan tibbiyot muassasasiga (poliklinika) murojaat qiling.

Fikr qoldiring

Email manzilingiz chop etilmaydi. Majburiy bandlar * bilan belgilangan

Ushbu maqola sizga foydali bo‘ldimi? Biz, HuquqPlus.uz jamoasi, har kuni murakkab huquqiy ma’lumotlarni barcha uchun sodda va tushunarli qilish ustida ishlaymiz. Faoliyatimizni o‘zingiz istagan miqdordagi mablag‘ bilan qo‘llab-quvvatlang — bu bizga yangi maqolalar tayyorlash va nogironligi bo‘lgan shaxslar huquqlarini himoya qilishda davom etishimizga yordam beradi.

Xayriya miqdori
to‘lov usuli