Mening nogironligim bor, menda uyim uchun soliqda imtiyozim bo‘lishi lozim edi. Ammo mening uy-joyim bo‘yicha mol-mulk solig‘idan qarzdorlik chiqib kelyapti. Qanday maslahat berasiz?
- Matnli format
- Video format
- Oson matn
Bu holatda masalaning yechimi, sizdagi nogironlik holatiga bog’liq.
Birinchi va ikkinchi guruh nogironligi bo‘lgan shaxslarning mulki hisoblangan mol-mulk 60 kvadrat metrdan oshmasa u holda ushbu mol-mulkdan soliq olinmaydi, ushbu maydon hajmi oshgan taqdirda oshgan kvadrat metr uchun soliq solinadi.
Misol uchun nogironligi bo‘lgan shaxsning 70 kvadrat metr mol-mulki bo‘lgan taqdirda 60 kvadrat metr uchun soliq imtiyozi qo‘llaniladi. 10 kvadrat metr uchun esa soliq solinadi.
Yuqoridagi shaxslarga mazkur imtiyoz pensiya guvohnomasi yoki tibbiy-mehnat ekspert komissiyasining ma’lumotnomasi asosida beriladi. Ushbu soliq imtiyozlaridan foydalanish uchun shaxslar ushbu imtiyozni olish huquqini tasdiqlovchi hujjatlarini mol-mulki joylashgan yerdagi soliq organlariga taqdim etishi lozim. Bunda imtiyozlar ushbu hujjatlar tasdiqlangan sanadan boshlab hisoblanadi. Agarda soliq organi ushbu talabni rad etgan hollarda sudga shikoyat bilan murojaat qilish mumkin.

Nogironligi bo‘lgan shaxslar uchun mol-mulk va yer solig‘i imtiyozlari haqida batafsil havolaga bosib huquqiy maqolamizda o‘qing.